पणजी : ‘अटल सेतू’ पुलाच्या डागडुजीचे काम पूर्ण होत नाही तोपर्यंत या पुलाच्या देखभालीचे काम सार्वजनिक बांधकाम खात्यातर्फे केले जाणार नाही. या पुलाचे काम सध्या गोवा राज्य साधनसुविधा ‘सुडा’तर्फे केले जात आहे. या पुलावरील जागोजागी पडलेल्या खड्ड्यामुळे वाहतुकीची समस्या वाढली आहे असे मत सार्वजनिक बांधकाममंत्री नीलेश काब्राल यांनी व्यक्त केले.
गोवा राज्य साधनसुविधा विकास महामंडळाने या पुलाच्या तपासणीचे काम आयआयटी मद्रास यांच्याकडे सोपविले असून समस्यांचा अभ्यास करून त्यावर उपाय काढण्याची गरज आहे. या पुलाच्या डागडुजीचे काम तसेच वारंवार रस्त्यावर पडणारे खड्डे या समस्यांवर तोडगा निघाल्यावर सार्वजनिक बांधकाम खात्याकडे त्याच्या देखभालीचे काम घेतले जाईल. सरकारचा गोव्यातील हा सर्वात मोठा प्रकल्प आहे. मात्र काही तांत्रिक कारणास्तव त्याची समस्या सुरू झाली आहे असे काब्राल म्हणाले.
जुन्या जुआरी पुलावरून अवजड वाहने बंद असल्याने ही वाहने बोरी पुलावरून वळवण्यात आली आहेत. त्यामुळे या पुलावरील या वाहनांची वर्दळ वाढली आहे व खड्डे पडले आहेत. बोरी पुलावरील खड्डे बुजवायचे झाल्यास हा पूल किमान दहा तास बंद ठेवणे गरजेचे आहे जे शक्य नाही, असे काब्राल म्हणाले.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.
