8.50 लाखांच्या ड्रग्जसह नाजेरियन तर 91,500 रुपयांच्या गांजासह युपीच्या व्यक्तीला अटक, शिवोली आणि झुआरीनगरमध्ये कारवाई

पणजी: गोवा पोलिसांच्या गुन्हे शाखा आणि अमली पदार्थ विरोधी पथकाने दोन मोठ्या कारवाई केल्या आहेत. साडेआठ लाख रुपयांच्या अमली पदार्थासह नाजेरियन व्यक्ती तर ९१,५०० रुपयांंच्या गांजासह उत्तर प्रदेशातील व्यक्तीला अटक करण्यात आली आहे. अनुक्रमे शिवोली आणि झुआरीनगर येथे ही कारवाई करण्यात आली.

नायजेरियन व्यक्तीला अटक

गुन्हे शाखेच्या पोलिसांनी केलेल्या कारवाईत शिवोलीत नाजेरियन व्यक्तीला अटक करण्यात आली. इजाशी कॅलिसतस (३८, रा. नायजेरिया) असे अटक करण्यात आलेल्या व्यक्तीचे नाव आहे. त्याच्याकडे साडे आठ लाख रुपये किंमतीचे वेगवेगळ्या प्रकारचे अमली पदार्थ आढळून आले आहेत.

इजाशी वाडो मारणा, शिवोली येथे वास्तव्यास होता. पोलिसांनी त्याच्याकडून वेगवेगळ्या प्रकारचे अमली जप्त केले आहेत.

मेथापेटामाईन - 4.485 ग्रॅम

एमडीएमए - 2.294 ग्रॅम आणि,

कोकेण - 35.593 ग्रॅम

उत्तर प्रदेशच्या व्यक्तीला अटक

अमली पदार्थ विरोधी पथकाने झुआरीनगरमध्ये गोरखपूर, उत्तर प्रदेश येथील नागरिकाला अटक केली. त्याच्याकडे ९०५ ग्रॅम वजनाचा गांजा आढळून आला आहे. बाजारातील याची किंमत ९१,५०० रुपये इतकी आहे. अमली पदार्थ विरोधी पथकाची झुआरीनगरमधील ही तिसरी कारवाई आहे.