Goa Weather: 48 तास महत्त्वाचे! दोन दिवस कोसळणार पाऊस; हवामान विभागाकडून 'यलो अलर्ट' जारी

पणजी: दोन-तीन दिवसांपासून विविध भागात अवकाळी पाऊस पडत असून गुरूवारी राज्यातील काही भागात ताशी ३० ते ४० किमी प्रती तासाच्या वेगाने वारे वाहत असून पाऊस पडण्याची शक्यता असल्याने गोवा वेधशाळेने ‘यलो अलर्ट’ जारी केला आहे. अवकाळी पावसाच्या पार्श्‍वभूमीवर नागरिकांनी योग्य ती काळजी घेण्याचे आवाहन करण्यात आले आहे.

बुधवारी कमाल ३२.४ अंश सेल्सिअस तर किमान २७ अंश सेल्सिअस तापमानाची नोंद करण्यात आली आहे. गेल्या २४ तासांत राज्यात केवळ काणकोण येथे १.२ मिमी पावसाची नोंद करण्यात आली. गुरूवारी यलो अलर्ट त्यासोबतच पुढील दोन दिवस देखील तुरळक पाऊस पडण्याची शक्यता आहे. मॉन्सून अजून अंदमान समुद्रातच असल्याने अजून अंदमान पाऊस दाखल झालेला नाही.