गोव्याच्या नवनिर्वाचित आमदारांची दुचाकीवरुन विधानसभेत एन्ट्री

गोवा: राज्यात विधानसभा निवडणुका पार पडल्या; या विधानसभा निवडणुकीत भाजप पक्ष तब्बल 20 जागांनी निवडून आला आहे. दरम्यान आज आमदारांचा शपथविधी पार पडणार असुन, कुठ्ठाळीचे आमदार आंतोन वाझ थेट स्कुटरवरुन विधानसभेत आले, तर काही वेळापुर्वी रिव्होल्युशनरी गोवन्स पक्षाचे आमदार विरेश बोरकर हे मनोज परब यांच्यासोबत बुलेटवरुन विधानसभेत दाखल झाले. (Newly elected MLAs of Goa enter the Legislative Assembly on two-wheelers)

हंगामी सभापती गणेश गावकर यांच्याकडून नवनिर्वाचित आमदारांना (MLA) शपथ देण्यास सुरुवात झाली आहे. मांद्रेचे आमदार जीत आरोलकर यांनी सर्वप्रथम शपथ घेतली तर डॉ. चंद्रकांत शेट्ये यांनी मराठीतून शपथ घेतली.

गोव्यात निवडून आलेले 30 आमदार कोट्यधीश

गोव्याच्या (Goa) आंतोन वाझ आणि विरेश बोरकर या दोन अमदारांनी दुचाकी वरून रॉयल एन्ट्री केली आहे. 40 पैकी एक आमदार केवळ 8 वी पास असून प्रत्येकी सहा आमदारांनी दहावी वबारावीपर्यंतचे शिक्षण घेतले आहे. 13 जण पदवीधर असून अन्य 6 जणांकडे व्यावसायिक शाखेतली पदवी आहे. 6 जणांकडे पदविका तर चौघे पदव्युत्तर पदवीधारक आहेत.

40 आमदारांत केवळ एक तिशीच्या आतला आहे. 31 ते 40 या वयोगटातील तिघे आमदार नव्या विधानसभेत (Goa Assembly) असतील. एकूण 16 जणांचा वयोगट 41 ते 50 असून 12 जण 51 ते 60 वयोगटांतले आहेत. साठी ओलांडलेले 8 आमदार असून त्यातील एक तर सत्तरी पार केलेला आहे. गोव्याने निवडून दिलेले 30 आमदार कोट्यधीश आहेत, या 30 पैकी 22 जणांची मालमत्ता 10 कोटी रुपयांहून अधिक आहे.