New Mandovi Bridge: नवीन मांडवी पुल दुरूस्ती कामासाठी शुक्रवारपासून बंद राहणार

नवीन मांडवी पुल दुरूस्ती कामानिमित्त दहा दिवस बंद राहणार आहे. पुलाचे जॉईंट आणि बिअरिंग बदलण्याचे काम केले जाणार असल्याने पुल बंद ठेवण्याचा निर्णय घेण्यात आला आहे. याकाळात वाहतूक जुना मांडवी पुल आणि अटल पुलावरून वळविण्यात आली आहे.

20 ते 29 जानेवारी 2023 या काळात रात्री दहा ते सकाळी सहा हे आठ तास पुलावरील वाहतूक बंद ठेवली जाणार आहे. असे बांधकाम खात्याने प्रसिद्ध प्रसिद्धीप्रत्रकात म्हटले आहे.

(New Mandovi Bridge will remain closed from 20 to 29 jan between 10 pm to 6 am for maintenance)

कार्यकारी अभियंता आत्माराम गावडे यांनी दिलेल्या माहितीनुसार, येत्या शुक्रवारपासून (दि.20) रात्री दहानंतर सकाळी सहापर्यंत नवीन पुलावरील वाहतूक बंद राहणार आहे. दरम्यान, याकाळात वाहतूकीसाठी अटल सेतू आणि जुना पुलाचा वापर करता येईल. जड वाहनाच्या वाहतूकीसाठी अटल सेतू तर, हलक्या वाहनांच्या वाहतूकीसाठी जुना पुलाचा वापर करता येईल असे प्रसिद्धीपत्रकात म्हटले आहे.