सुकन्या समृद्धी योजना (Sukanya Samriddhi Yojana) हि मुलींसाठी एक उत्तम योजना आहे. 10 वर्षांपेक्षा लहान मुलींच्या (Girl) नावाने हे खाते उघडता येते. या योजनेत दरमहा काही पैसे जमा केले जातात. योजनेच्या मॅच्युरिटीवर एकर कमी रक्कम उपलब्ध आहे.
केंद्र सरकारने राष्ट्रीय स्तरावर दिल्ली येथे 11 फेब्रुवारी 2023 रोजी ‘अमृतपेक्स प्लस’ कार्यक्रम आयोजित केला आहे. स्वातंत्र्याचा ‘अमृत महोत्सव’ आणि ‘अमृतपेक्स 2023 साठी महिला सक्षमीकरण आणि आर्थिक समावेशन मोहिमेचा एक भाग म्हणून सुकन्या समृद्धी योजनेंतर्गत बचत खाती उघडण्यासाठी हा व्यापक कार्यक्रम आयोजित केला आहे.
(Goa Postal Department appeals that citizens avail benefits of Sukanya Samriddhi Scheme)
सुकन्या समृद्धी योजनेंतर्गत 24 तासांत राष्ट्रीय पातळीवर 7.5 लाख सुकन्या समृद्धी खाती उघडण्याचे लक्ष ठेवण्यात आले आहे. या योजनेत सहभागी होण्यासाठी, गोवा टपाल विभागाने 10 वर्षाखालील मुलींच्या पालकांना जवळच्या पोस्ट ऑफिसशी संपर्क साधून सुकन्या समृद्धी खाते उघडण्याचे आवाहन केले आहे.
योजनेच्या तपशीलासाठी नागरिकांनी 9 फेब्रुवारी 2023 रोजी नजीकच्या टपाल कार्यालयात संपर्क साधावा असे आवाहन टपाल खात्याकडून करण्यात आले आहे.
सध्या सुकन्या समृद्धी योजनेचा व्याजदर 7.6 टक्के आहे. 2014 मध्ये पंतप्रधान मोदीनी हि योजना सुरु केली होती. 10 वर्षापर्यंतच्या मुलीच्या नावाने हे खाते उघडता येते. मुलीच्या वयाच्या 21 व्या वर्षी ही योजना परिपक्क होते. या योजनेत किमान 250 रुपये जमा करता येतात, एका आर्थिक वर्षात कमाल मर्यादा रु. 1.5 लाख रूपये आहे.
सुकन्या समृद्धी योजनेअंतर्गत तुम्ही 10 वर्षापेक्षा कमी वयाच्या मुलीचे खाते उघडू शकता. या योजनेअंतर्गत भारतातील मुलीच्या नावाने पोस्ट ऑफिस (Post Office) किंवा बँकेमध्ये (Bank) फक्त एकच खाते उघडता येते. हे खाते कुटुंबातील दोन मुलींसाठी उघडता येते.
दैनिक गोमंतकचे सदस्य व्हा
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.