नवीन सरकारने खाजगी क्षेत्राच्या गरजांवर लक्ष केंद्रित करावे

Goa Private Sector : 2022च्या विधानसभा निवडणुकीत भाजपने घवघवीत यश संपादन करत विरोधकांवर मात केली. ज्या गोष्टी भाजपने याआधीच्या काळात केल्या केल्या नाहीत त्या गोष्टींकडे आता नवीन स्थापन होणाऱ्या सरकारने जाणीवपूर्वक लक्ष द्यावे, अशी मागणी आता सर्वच स्तरातून करण्यात येत आहे.

गोव्यातील खाजगी उद्योग क्षेत्राने सरकारच्या धोरणांमध्ये खाजगी क्षेत्राबद्दलही तरतुदी असाव्या अशी मागणी केली आहे. उद्योगाला चालना देण्यासाठी सरकारने शाश्वत विकासाचा मार्ग स्वीकारला पाहिजे. सरकारने आपला निर्णायक विजय गोव्याला पुढे नेण्यासाठी वापरण्याची वेळ आली आहे. आता शाश्वत विकासावर लक्ष केंद्रित करण्याची वेळ आली आहे. भाजपला दिलेल्या निर्णायक जनादेशामुळे पाच वर्षांच्या कार्यकाळासाठी स्थिर सरकारची खात्री झाली पाहिजे. आम्हाला विश्वास आहे की उद्योगाच्या अपेक्षा आणि उद्योगाला दिलेली वचनबद्धता नवीन सरकार पूर्णपणे अंमलात आणेल, असे मत खाजगी क्षेत्रातील व्यक्तींनी दिले आहे.

देशातील सर्वात जुन्या उद्योग संस्थांपैकी एका संस्थेने सांगितले की, आम्हाला विश्वास आहे की नवीन नेतृत्वाखाली गोवा राज्य लक्षणीय सामाजिक-आर्थिक वाढ पाहेल. राज्यातील वाणिज्य आणि उद्योगाची व्याप्ती वाढवणारे परिणामकारक बदल सुरू करण्यासाठी आम्ही सकारात्मकपणे उत्सुक आहोत.