पणजी: नेवरा येथील ‘नेड्डा’ आणि ‘सिल्पा’ स्लूस गेट्स (पाणी नियंत्रण दरवाजे) सरकारी नोंदीनुसार आमदार वीरेश बोरकर यांचे बंधू साईश बोरकर यांच्या मालकीचे असल्याचे दिसून येतात. तरीही आमदार बोरकर नकार देत असतील, तर यांनी याबाबतच्‍या अधिकृत नोंदी नाकाराव्‍यात, असे आव्हान रिव्‍होल्‍युशनरी गोवन्‍स पक्षाच्‍या (आरजी) मनोज परब गटाचे नेते अजय खोलकर यांनी सोमवारी दिले.
आमदार वीरेश बोरकर यांनी काहीच दिवसांपूर्वी बोलताना, आपल्या भावाच्या मालकीचे कोणतेही स्लूस गेट्स नसल्याचे विधान केले होते. त्‍याला उत्तर देताना, राज्‍य विधानसभेत सादर केलेली आणि मंजूर झालेली कागदपत्रे तसेच तिसवाडीच्या मामलेदार कार्यालयातील नोंदींनुसार नेवरा येथील ‘नेड्डा’ आणि ‘सिल्पा’ स्लूस गेट्स हे साईश बोरकर यांच्या मालकीचे असल्याचे दिसून येते.
हे व्यवहार १०.२५ लाख रुपयांच्‍या मोबदल्यात झाल्याचे नमूद आहे. तरीही आमदार बोरकर आपल्या भावाच्या मालकीचे कोणतेही स्लूस गेट्स नाहीत, असा दावा करीत आहेत. त्‍यामुळे त्यांनी अधिकृत कागदपत्रांमधील नोंदी स्पष्टपणे नाकारणे गरजेचे आहे, असे खोलकर म्‍हणाले.
त्यांनी नेमके स्‍पष्‍टीकरण द्यावे!
केवळ सरसकट नकार देण्याऐवजी वीरेश बोरकर यांनी या अधिकृत कागदपत्रांमध्ये नेमके काय नमूद केले आहे? तसेच साईश बोरकर यांचा ‘नेड्डा’ व ‘सिल्पा’ स्लूस गेट्सशी काय संबंध आहे? यावर स्‍पष्‍टीकरण देणे गरजेचे आहे, असेही खोलकर यांनी नमूद केले.
दैनिक गोमंतकचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
