'शिवोलीतील रेस्टाॅरंटमधील बलात्काराची चौकशी करा'

म्हापसा: उत्तर गोव्यातील शिवोली येथे रेस्टॉरंट कामगारांनी पर्यटकावर केलेल्या बलात्कार प्रकरणाची चौकशी करण्यात यावी, अशी मागणी गोवा वुमेन्स फोरमने केली आहे. गोवा पर्यटन खात्याचे संचालक मेनिनो डिसोझा यांना लिहिलेल्या पत्रातून या मंचाने निदर्शनास आणून दिले आहे, की 19 डिसेंबर 2021 रोजी झालेल्या पर्यटकावरील (Tourist) बलात्काराच्या घटनेवेळी रेस्टॉरंट आणि बारने महिला पर्यटकांच्या सुरक्षिततेसाठी असलेले सर्व अधिनियम आणि नियमांचे पालन केले होते की नाही याची पडताळणी करण्यासाठी खात्याने तातडीने संबंधित विभाग आणि गोवा पोलिसांच्या (Goa Police) सहकार्याने चौकशीसाठी त्वरित नोडल ऑफिसरची नियुक्ती करणे आवश्यक आहे. (Goa Police Investigation)

गोव्याला (Goa) भेट देणाऱ्या महिला परदेशी आणि देशी पर्यटकांची सुरक्षा हा एक अतिशय महत्त्वाचा मुद्दा असून, बलात्कार हाही अतिशय गंभीर गुन्हा आहे. त्या बलात्कार प्रकरणी पीडित महिलेने पणजी पोलिस स्थानकात तक्रार नोंदविल्यानंतर गुन्हेगारांना अटक करण्यात आले.

विकासासाठी एकत्र

रेस्टॉरंटमध्ये लावलेले सी.सी.टी.व्ही. कॅमेरे अशा प्रकारे लावायला हवे होते की आत तसेच बाहेर काय घडत आहे हे दिसले पाहिजे. ते कामगार नेपाळचे रहिवासी असून, हणजूण पोलिसांनी कायद्यानुसार त्यांची चौकशी करणे गरजेचे होते. तो बलात्कार रेस्टॉरंट आणि बारमध्ये झाला, याचा अर्थ अन्न आणि औषधे प्रशासन संचालनालय आणि कायदेशीर मेट्रोलॉजी विभाग, पंचायतराज कायदा, अबकारी खाते, पेइंग टेक्स अँड ट्रेड टेक्स यांच्याशी संबंधित कायद्यांतर्गत गुन्ह्याची नोंद करणे आवश्यक आहे, असेही निवेदनातून निदर्शनास आणून देण्यात आले आहे.