मडगाव: वाढीव पाणी बिलच्या प्रश्नावरून दवर्ली, नावेली येथील लोकांनी रविवारी रस्त्यावर उतरून तीव्र संताप व्यक्त केला. स्थानिकांच्या म्हणण्यानुसार, त्यांना एकाच वेळी एकूण सहा महिन्यांचे पाणी बील मिळाले आहे. या बिलाची रक्कम आधीच्या बिलांच्या तुलनेत खूप जास्त आहे. याबाबत चौकशी व्हावी अशी नागरिकांची मागणी आहे. (Navelim Goa News)
आम्हाला 5000 रुपयांपेक्षा जास्त पाणी बील आले आहे. हे बील कसे भरायचे? असा प्रश्न आमच्या समोर उपस्थित झाला आहे, असे एका वृद्ध महिलेने (Woman) सांगितले.
मुख्यमंत्री प्रमोद सावंत (Pramod Sawant) यांनी ग्राहकांना पाणी बिलात दोष आढळल्यास ती भरू नयेत, असे जाहीरपणे सांगितले होते. ते म्हणाले होते की, बिलात त्रुटी आढळल्यास पीडब्ल्यूडी नवीन बिले जारी करेल. त्याचे पुढे काय झाले? असा प्रश्न एका नागरिकाने उपस्थित केला.
माझ्या घराशेजारी राहणारा मुलगा दवाखान्यात (Hospital) भरती आहे. त्याची आई देखील आजारी आहे. त्यांना 14,000 रुपये बील आले आहे. ते ही रक्कम कसे भरणार?, असा प्रश्न एक रहिवासीने विचारला.
दैनिक गोमंतकचे सदस्य व्हा
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
