पणजी: ‘गोमन्तक’ने राज्य सरकारच्या सहकार्याने आयोजित केलेल्या राष्ट्रीय नारळ परिषदेचे उदघाटन मुख्यमंत्री डॉ. प्रमोद सावंत यांच्या हस्ते (ता. १०) सकाळी १० वाजता दोनापावल येथील गोवा इंटरनॅशनल सेंटरमध्ये होणार आहे.
केवळ निमंत्रितांसाठी असलेल्या या परिषदेच्या उदघाटन सोहळ्यास राज्‍याचे कृषिमंत्री रवी नाईक, तामिळनाडूचे कृषी व शेतकरी कल्याणमंत्री एम. आर. के. पनीरसेल्वम, कर्नाटकचे कृषिमंत्री एन. चलुवरायस्वामी, महाराष्‍ट्राचे फलोत्‍पादन मंत्री भरत गोगावले उपस्थित राहतील.
पनीरसेल्वम यांचे (गुरुवारी) सायंकाळी राज्यात आगमन झाले. ‘गोमन्तक’ने सकाळ परिवारातील कृषी वर्तमानपत्र ‘ॲग्रोवन’ यांचे आयोजनात सहकार्य घेतले आहे.
१या राष्ट्रीय नारळ परिषदेत नारळ आणि माड बागायतींच्या सर्व अंगांनी उद्या दिवसभर सखोल चर्चा होणार आहे. या परिषदेत अनुभवी असे २० तज्ज्ञ आपल्या ज्ञानाचा आणि अनुभवाचा ठेवा उघड करणार आहेत.
२नारळ उत्पादन घटण्यामागील कारणांपासून ते नव्या तंत्रज्ञानाचा वापर करून शाश्वत आणि नफा देणारी माड बागायत उभी करण्यापर्यंतचा पथदर्शी आराखडा दिवसभराच्या चर्चेतून तयार केला जाणार आहे.
दैनिक गोमंतकचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.