Goa Viral Video: अनेक वाहनांना धडक देऊन झिंगाट पर्यटकाचा शिवोलीत राडा, गाण्याच्या तालावर रस्त्यातच लागला नाचायला

Goa Viral Video: स्थानिकांसोबत थोडावेळ शाब्दिक चकमक झाल्यानंतर, चालकाने थेट स्पीकर बाहेर काढत रस्त्यावर नाचायला सुरुवात केली.
Goa Viral Video
Goa Viral VideoDainik Gomantak

Goa Viral Video

गोव्यात अपघातांच्या घटना असो किंवा समुद्रकिनाऱ्यांवर वाहन घेऊन जाणे अथवा वाहनांसोबत विचित्र स्टंट करण्याचे प्रकार असोत. अशा घटना वारंवार समोर येत असतात. नुकतेच शिवोलीत मुंबईच्या एका पर्यटकाने अनेक वाहनांना धडक देऊन रस्त्यातच नाचायला सुरुवात केली.

या घटनेचा व्हिडिओ सध्या सोशल मिडियावर मोठ्या प्रमाणावर व्हायरल होत असून, समिश्र प्रतिक्रिया समोर येत आहेत.

मिळालेल्या माहितीनुसार, शिवोली येथे सोमवारी रात्रीच्या सुमारास हा प्रकार घडला. तुषार नावाच्या मुंबई येथील एका पर्यटकाने विविध वाहनांना धडक दिल्यानंतर काही स्थानिकांनी त्याला रोखले.

स्थानिकांसोबत थोडावेळ शाब्दिक चकमक झाल्यानंतर, चालकाने थेट स्पीकर बाहेर काढत रस्त्यावर नाचायला सुरुवात केली. समोर आलेल्या व्हिडिओनुसार त्याच्याकडे असलेली रेंट कारचा (GA03W4735) अपघात झाल्याचे दिसत आहे.

Goa Viral Video
Pollution Control Board: मडगावातील 19 दुकाने अन् हॉटेल्सविरोधात प्रदूषण नियंत्रण मंडळाच्या अधिकाऱ्यांची धडक कारवाई

पोलिसांनी दिलेल्या माहितीनुसार, पोलिसांनी संबधित व्हिडिओच्या मदतीने रेंट कारच्या चालकाला पोलिस स्थानकात बोलवून त्याला चौकशीअंती सोडण्यात आले. दरम्यान, याबाबत तक्रार नोंदविण्यासाठी कोणी पुढे आले नसल्याचे पोलिस म्हणाले.

अनेकांनी याप्रकरणी पर्यटकाच्या बेजबाबदारपणावर टीका केलीय. तसेच, अनेकांनी कारवाईची मागणी केली. काही जणांनी परराज्यातील पर्यटक गोव्यात वाहतूक नियमांकडे दुर्लेक्ष करतात, असा आरोप केला.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

Related Stories

No stories found.
Goa News on Dainik Gomantak
dainikgomantak.esakal.com