Mhadei Wildlife Sanctuary Order : विश्वजीत म्हणतात, निर्णयाला सर्वोच्च न्यायालयात आव्हान देणार

Mumbai High Court order on Mhadei Wildlife Sanctuary : म्हादई वन्यजीव अभयारण्य व आजूबाजूचा परिसर व्याघ्र क्षेत्र म्हणून तीन महिन्यात अधिसूचित करण्याचा ऐतिहासिक निवाडा आज मुंबई उच्च न्यायालयाच्या गोवा खंडपीठाने देत गोवा सरकारला दणका दिला आहे.

दरम्यान, उच्च न्यायालयाच्या या निर्णयाला सर्वोच्च न्यायालयात आव्हान देऊ असे वनमंत्री विश्‍वजित राणे यांनी सांगितले.

वन्यजीव मंडळाच्या बैठकीत म्हादई अभयारण्यासह इतर काही परिसर व्याघ्र क्षेत्र घोषित करण्याचा प्रस्ताव सरकारने फेटाळला आहे व सरकार या निर्णयावर ठाम आहे. उच्च न्यायालयाने दिलेल्या निवाड्याचा सविस्तर तपशील अजून हाती लागलेला नाही. त्याची वाट पाहत आहोत. उच्च न्यायालयाच्या या निर्णयाला सर्वोच्च न्यायालयात आव्हान देऊ असे मंत्री विश्वजित राणे यांनी सांगितले.