Mumbai-Goa Vande Bharat Express: अखेर मुंबई-गोवा वंदे भारत एक्स्प्रेसला ग्रीन सिग्नल; जाणून घ्या, तारीख आणि वेळापत्रक

Mumbai-Goa Vande Bharat Express: गोवा-मुंबई सेमी-हाय-स्पीड वंदे भारत ट्रेनचे उद्धाटन पंतप्रधान नरेंद्र मोदी यांच्या हस्ते आभासी पध्दतीने होणार होते.

मात्र, ओडिशा येथे झालेल्या भीषण रेल्वे अपघातामुळे उद्घाटनाची तारीख पूढे ढकलण्यात आली होती.

दरम्यान, गोवा-मुंबई वंदे भारत ट्रेन कधी सुरू होणार? याची प्रतिक्षा सगळ्यांना लागून राहिली होती. गोवा-मुंबई वंदे भारत ट्रेन 27 जूनपासून सुरु होणार आहे.

गोवा-मुंबई वंदे भारत ट्रेन 27 जूनपासून सुरु होणार असल्याची माहिती रेल्वे मंत्रालयाच्या अधिकृत सुत्रांनी दिली आहे. पंतप्रधान नरेंद्र मोदी 27 जून रोजी एकाच वेळी गोवा-मुंबईसह पाच वंदे भारत एक्स्प्रेसला हिरवा झेंडा दाखवतील.

वंदे भारतचे उद्घाटन पंतप्रधान मोदींच्या हस्ते आभासी पध्दतीने होणार आहे. गोवा-मुंबई, बेंगळुरू-हुबळी-धारवाड, पाटणा-रांची, भोपाळ-इंदूर, भोपाळ-जबलपूर या पाच वंदे भारत ट्रेन 27 जूनपासून धावणार आहेत.

संभाव्य वेळापत्रक

मुंबईहून सकाळी ५.२५ वाजता सुटेल.

मडगाव स्थानकावर दुपारी १.१५ वा. पोहोचेल.

मडगावहून दुपारी २.३५ वाजता सुटेल.

मुंबईत ‘सीएसटी’वर रात्री १०.२५ वाजता पोहोचेल.

(गोवा-मुंबई वंदे भारत ट्रेन आठवड्यातून 6 दिवस धावेल, तिची सेवा शुक्रवारी बंद असेल.)

प्रमुख थांबे : दादर, ठाणे, पनवेल, खेड, रत्नागिरी, कणकवली, थिवी.