Mumbai Goa Highway: मुंबई - गोवा महामार्गाचे काम मागील 12 वर्षांपासून रखडले आहे. महामार्गात मोठ्या प्रमाणावर असणाऱ्या खड्यांमुळे प्रवाशांना अतोनात हाल सहन करावे लागत आहेत. राजकीय नेते, पुढारी, स्थानिक नागरिक ते मार्गावरील नियमित प्रवाशांनी या रस्त्याची बिकट अवस्था वारंवार दाखवली आहे.
मराठीतील आघाडीचा अभिनेता आणि दिग्दर्शक हेमंत ढोमे याने नुकतेच मुंबई-गोवा महामार्गाबाबत मजेशीर ट्विट केले आहे. हेमंतचे ट्विट सध्या चांगलेच चर्चेत आहे.
गोवा ते मुंबईला जोडणारा महामार्ग कोकणात येण्यासाठी आणि येथून मुंबईला जाण्यासाठी महत्वाचा मार्ग आहे. पण, महामार्गावरील खड्यांमुळे रस्त्याची चाळण झाली आहे. यापूर्वी अनेक संतप्त प्रवाशांनी प्रवासात होणाऱ्या त्रासाचे कथन व्हिडिओ तसेच, लिखित संदेशाच्या माध्यमातून केले आहे.
अशात आता मराठी अभिनेता आणि दिग्दर्शक हेमंत ढोमे याने महामार्गाबाबत ट्विट केले आहे.
"चांद्रयान ३ ने टिपलेले चंद्राचे पहिले काही फोटो! आता आपल्या रागाचं रूपांतर स्वतःचीच थट्टा करण्यात होत चाललं आहे!! भीषण!" असे ट्विट हेमंत ढोमेने केले आहे.
हेमंत ढोमेच्या या ट्विटवर अनेकांच्या मजेशीर कमेन्ट देखील आल्या आहेत. एका युझरने 'विद्यमान आमदारांनी एका वर्षात महामार्ग पूर्ण करण्याची शपथ घेतली आहे.' अशी कमेन्ट केली आहे. ढोमे यांनी याला, 'अशा अनेक शपथा, अनेक वचनं गेली अनेक वर्ष आपण ऐकतोच आहोत! कुठल्याही पक्षाने, कुठल्याही मंत्र्याने, आमदाराने… काहीही केलेलं नाही!' असे उत्तर दिले आहे.
तसेच, आणखी एका युझरने रस्त्यात अडकून पडलेल्या शिवशाही बसचा व्हिडिओ शेअर केला आहे. त्याला हेमंतने विनोदी उत्तर दिले आहे. 'चूक एस.टी. ड्रायव्हरची आहे… मी म्हणतो त्यांनी तळ्यात का घातली गाडी?' असे हेमंतने प्रतिक्रिया दिली आहे.
दैनिक गोमंतकचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.