मेळावली ग्रामबचाव आंदोलन समितीला खासदार सुश्मिता देव यांचा पाठिंबा

गुळेली : शेळ मेळावली आय आय टी आंदोलकांचा विषय आपण राज्यसभेत उपस्थित करणार असल्याची ग्वाही तृणमूल काँग्रेस पक्षाच्या पश्चिम बंगालच्या खासदार सुश्मिता देव यांनी आज गुळेली सत्तरी येथे पंचायत कार्यालयात उपस्थित मेळावली ग्रामबचाव आंदोलन समितीच्या कार्यकर्त्यांना दिली.

आज गुरुवार दिनांक 30 रोजी मेळावली ग्रामबचाव आंदोलन समितीच्या वतीने सुरु केलेल्या आंदोलनाचा बारावा दिवस होता. आज सकाळी तृणमूल काँग्रेसच्या (Trinamool Congress) पश्चिम बंगालच्या खासदार सुश्मिता देव यांनी आंदोलन (Movement) कर्त्यां महिलांची भेट घेतली. यावेळी तृणमूल काँग्रेस पक्षाचे वाळपई मतदारसंघ (Constituency) प्रमुख दशरथ मांद्रेकर तसेच मेळावली ग्रामबचाव आंदोलन समितीची उन्नती मेळेकर व इतर महिला व ग्रामस्थ उपस्थित होते.

यावेळी पुढे बोलताना खासदार देव म्हणाल्या की, जनतेच्या मतदानातून सरकार निर्माण होते आणि तेच सरकार यांचे आंदोलन चिरडण्यासाठी प्रयत्न करते. लोकशाहीत प्रत्येकाला आपले मत मांडण्याचा अधिकार आहे, मग हे भाजपा सरकार असे का वागते.

भारतीय जनता पक्षाचे (BJP) सरकार मग ते गोव्यातील असो किंवा केंद्रातील दोघेही शेतकऱ्यांच्या विरोधी आहे. शेतकऱ्यांपुढे शरणागती पत्करत केंद्रातील सरकारला (Central Government) आपली बील मागे घ्यावी लागली.

या मेळावलीतील जनतेवर जो अन्याय झाला त्याविषयी राज्यपालापर्यंत हा विषय पोहोचवण्यासाठी आमची पार्टी प्रयत्नरत राहिल, असे त्या म्हणाल्या त्यावेळी दशरथ मांद्रेकर यांनीही आंदोलनकर्त्या ंंना मार्गदर्शन केले. आज बाराव्या दिवशीही महिला मोठ्या प्रमाणात सहभागी झाल्या होत्या.