मोरजी पंचायत क्षेत्रातील दाभोलकरवाडा ते गावडेवाडा पर्यंतच्या रस्त्याची खड्ड्यांमुळे मोठ्या प्रमाणात चाळण झालीआहे. सार्वजनिक बांधकाम खात्याचा रस्ता विभाग किती जागृत आहे. हे या रस्त्याच्या अवस्थेकडे पाहताच दिसून येते. मोरजी पंचायत क्षेत्रातील गावडेवाडा पर्यंतचा किनारी भागात जाणारा रस्ता म्हणजे सध्या मृत्यूचा सापळा बनलेला आहे. रस्ता शोधताना खड्ड्यांमध्ये कधी वाहन जाते, त्याचा पत्ताच लागत नाही.
किनारी भागात रस्ता झाल्यामुळे पर्यटन हंगामात मोठ्या प्रमाणात पर्यटन घेऊ लागले. व्यावसायिकांचा विस्तार वाढू लागला. नंतर रस्ता रुंदही झाला. परंतु त्यानंतर संबंधित जमीन मालकांनी किंवा कुळाने रस्त्यालगत कवाथे लावून अतिक्रमण करण्याचा प्रयत्न केला. याकडे स्थानिक पंचायत, स्थानिक आमदार आणि सार्वजनिक बांधकाम खाते रस्ता विभाग यांचे पूर्णपणे दुर्लक्ष झाल्यामुळे हा रस्ता वादात सापडलेला आहे.
रस्त्यामुळे किनारी भागात व्यावसायिकांना प्राधान्य मिळाले. सीआरझेडचे उल्लंघन करूनही मोठ्या प्रमाणात परप्रांतीयांनी बांधकामे केली. जमिनी पटापट विकल्या गेल्या. आणि या जमिनीत हॉटेल उभारण्यासाठी प्रयत्न सुरू आहेत. परंतु अरुंद रस्त्यामुळे हॉटेलसाठी टीसीपी परवाना देऊ शकत नसल्याने, काही प्रमाणात रस्ता रुंदीकरणाचाही प्रयत्न झाला.
केबलसाठी खोदलेले रस्ते ‘जैसे थे’
या रस्त्यावरून भूमिगत वीज केबल घालत असताना रस्ता मधोमध खणण्यात आला होता. परंतु पावसाळा सुरू झाला तरी खणलेले खड्डे व्यवस्थित चर बुजवली गेली नसल्यामुळे ठीक ठिकाणी पाणी साचून रस्ता नेमका कुठला किंवा खड्डे नेमके कुठले याचा पत्ता लागत नाही. यावर सार्वजनिक बांधकाम खात्याने त्वरित लक्ष देऊन या रस्त्यावर उपाययोजना करावी, अशी मागणी केली जात आहे.
दैनिक गोमंतकचे सदस्य व्हा
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.