Goa Monsoon 2023 : मुसळधार पावसामुळे गोव्यातील काही भागांत पुराची शक्यता हवामान विभागाने वर्तविली आहे. तसेच पुढील चार दिवस राज्याला ऑरेंज अलर्ट जारी करण्यात आला आहे. सतत सुरु असलेल्या पावसामुळे अनेक ठिकाणी नदी-नाल्यांनी धोक्याची पातळी ओलांडली आहे.
त्यातच हवामान खात्याने काही भागांत पुराची शक्यता वर्तविल्यामुळे लोकांनी सावध राहणे गरजेचे आहे. तसेच पुरग्रस्त परिस्थितीसाठीही प्रशासन सज्ज आहे.
हवामान खात्याने राज्यात 26 जुलैपर्यंत ऑरेंज अलर्ट जारी केला आहे तर 27 जुलै रोजी यलो अलर्ट जारी केला आहे. पर्जन्यमान असेच राहिले तर पाऊस लवकरच इंचांचे शतक पूर्ण करण्याची शक्यता आहे. राज्यात मोठ्या प्रमाणात पाऊस पडत असल्यामुळे नागरिकांनी सतर्क राहावे, तसेच योग्य ती काळजी घेण्याचे आवाहन हवामान खात्याने केले आहे.
गेल्या चोवीस तासांत म्हापसा 101.2, पेडणे 115.8, पणजी 75.6, ओल्ड गोवा 117.0, साखळी 121.8, काणकोण 67.0, दाबोळी 81.0, मडगाव 46.0, मुरगाव 88.6, केपे 70.8आणि सांगे 80.6 मीमी पावासाची नोंद झाली आहे.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.