मोबाईल चोर अखेर गजाआड

मोरजी: बार्देज येथील सिद्धेश खोर्जुवेकर (Siddhesh Khorjuvekar) यांचे 1 लाख 30 हजार किंमतीचे मोबाईल चोरल्याची तक्रार पेडणे पोलिसांकडे (Police) दिली होती. त्यानुसार संकेश चोडणकर कलंगुट, मोहन लाल बहादूर नेपाल व फुर्बू सिंगे नेपाल याना अटक केली, त्यातील संकेश चोडणकर याना दोन वेळा चोरी प्रकरणी अटक केली होती.

तक्रारदाराच्या कार मधून किंमती दोन फोन चोरीला गेल्याची तक्रार जुलै महिन्यात दिली होती. पेडणे पोलीस निरीक्षक (PI) जिवबा दळवी यांनी आपल्या सहकाऱ्याना महत्वाच्या सुचना करून काही पुरावे मिळतात कि काय याचा तपास सुरु होता.

शेवटी 26 रोजी पोलिसांच्या (Police) हाती तिघे संशयित सापडले. त्यांच्याकडून दोन्ही फोन जप्त करण्यात आले.

पोलीस निरीक्षक जिवबा दळवी यांच्या नैतृत्वाखाली पोलीस उपनिरीक्षक प्रफुल्गिरी, कोस्टेबळ सागर खोर्जुवेकर अर्जुन कलंगुटकर, संदेश वारक व विनोद पेडणेकर यांनी कारवाई केली.