Goa: आमदार विश्‍वजित राणेंचा पुरग्रस्तांच्या कुटुंबांना मदतीचा हात

पणजी - कधी नव्हते ते म्हादयीला (Mandovi) पूर आले. आणि शिवाजीनगर खडकी या वाड्यातीलहरिजन बांधवांची पाच घरे जमीनदोस्त झाली. त्यामुळे मुळातच आर्थिक दृष्ट्या कमकुवत असलेल्या या कुटुंबावर घाला पडला. राहण्यासाठी छप्पर नाही की जगण्यासाठी जीवनावश्यक वस्तू व कपडे नाहीत.तरीही अशा स्थितीत या कुटुंबीयांना विविध माध्यमातून मोठा आधार देण्यात आला त्या कुटुंबाची येथील शाळेमध्ये राहण्याची व्यवस्था करण्यात आली. त्याच बरोबर आरोग्य मंत्री तथा वाळपई चे आमदार विश्‍वजित राणे (Vishwajit Pratapsingh Rane) हे या सर्व पाचही कुटुंबांना स्वतः पुढाकार घेऊन घरे बांधुंन देत आहेत.

घरांचे बाधकाम सुरू झालेले आहे . जवळजवळ घरांचे अर्धेअधिक कामही पूर्ण झाले आहे. रोटरी क्लब पणजी तसेच इतर विविध संस्थांनीही मदत केल्याचे या घरातील तिळू हरीजण यांनी सांगितले.सरकारचे दोन लाख रुपये मंजूर झाले असल्याचेही त्यांनी सांगितले. निळू हरीजण, लक्ष्मी हरिजन , मधू हरिजन , बुधाजी हरीजण व पांडुरंग परवार यांची पडलेली घरे विश्‍वजित राणे बांधून देत आहेत. दरम्यान खडकी मंदिर परिसरातील रामा विठ्ठल वांतेकर याच्या घरात पुराचे पाणी शिरुन त्यांचेही मोठे नुकसान झाले आहे.