बाेर्डा-मडगाव येथील मोडकळीस आलेल्‍या मल्टीपर्पज स्कूल कॉम्प्लेक्स इमारतीची काल मुख्‍यमंत्री प्रमोद सावंत यांनी आमदार दिगंबर कामत यांच्‍यासोबत पहाणी केली. यावेळी आमदार विजय सरदेसाई यांनी न बोलावल्याने मुख्यमंत्र्यांवर खोचक टीका करून नाराजी व्यक्त केली.
यासंदर्भात सरदेसाई यांना विचारले असता, कदाचित मल्‍टिपर्पज शाळेच्‍या कँटीनमध्‍ये मुख्‍यमंत्री सावंत यांना बार उघडायचे असेल. त्‍यामुळेच या जागेची पहाणी करण्‍यासाठी ते दिगंबर कामत यांना घेऊन तिथे गेले असावेत अशी खोचक प्रतिक्रिया फातोर्डाचे आमदार विजय सरदेसाई यांनी व्यक्त केली.
शाळा आणि मंदिरांच्‍या परिसरात दारुची दुकाने खुली करण्‍याच्‍या प्रस्‍तावाचे मुख्‍यमंत्री सावंत यांनी स्‍वागत केले आहे. मल्‍टिपर्पज प्रकल्‍पात शैक्षणिक संकुले आहेतच त्‍याशिवाय तिथे घोगळेश्‍वराची घुमटीही आहे. यामुळेच असेल कदाचित त्‍यांना येथे बार सुरू करावा, असे वाटले असेल म्‍हणून त्‍यांनी काल ही पहाणी केली असावी अशी उपरोधिक प्रतिक्रिया व्यक्त करत आपल्‍याला न बोलावल्‍याबद्दल नाराजी व्यक्त केली.
बोर्डा-मडगाव येथील मल्टीपर्पज स्कूल कॉम्प्लेक्स इमारतीचा प्रश्‍न मी विधानसभेत उपस्थित केला होता. इमारतीची पहाणी करण्‍यासाठी मी गोवा साधन सुविधा विकास महामंडळाच्‍या व्‍यवस्‍थापकीय संचालकांना बाेलावले होते. दक्षिण गोव्‍याच्‍या जिल्‍हाधिकाऱ्यांनाही याची माहिती आहे, अशा परिस्‍थितीत या इमारतीची पहाणी करायची असल्‍यास मला टाळून ती करण्‍यामागे कुठलेही प्रयाेजन नव्‍हते.
दैनिक गोमंतकचे सदस्य व्हा
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.