Vijai Sardesai on Audit of Government Buildings: वारसा मूल्ये असलेल्या सरकारच्या मालकीच्या सर्व जुन्या इमारतींचे ताबडतोब स्ट्रक्चरल ऑडिट करा, अशी मागणी गोवा फॉरवर्डचे अध्यक्ष आणि फातोड्याचे आमदार विजय सरदेसाई यांनी केली.
मडगाव आरोग्य केंद्राच्या पोर्तुगीजकालीन इमारतीच्या भींतीचा काही भाग कोसळल्याने आज, शनिवारी त्यांनी तिथे जाऊन पाहणी केली. त्यानंतर ते बोलत होते.
आमदार सरदेसाई म्हणाले, आजची ही घटना म्हणजे, यापुढे या अशा जुन्या इमारतींची अवस्था काय होऊ शकते याचे उदाहरण आहे. या घटनेने सरकारचे डोळे उघडावेत. मडगाव नगरपालिका, कोमुनिदाद इमारती यांचीही अवस्था अशीच होऊ शकते. याकडेच या घटनेने लक्ष वेधले आहे. सरकारने आताच त्यासाठी पाऊले उचलावीत.
ते म्हणाले, मागे मी विधानसभेत हा विषय चर्चेस आणला होता. असे ऑडिट केले जाणार असे मला आश्वासन दिले होते. आता सरकारने त्या आश्वासनाची पूर्तता करावी. गोव्यातील खासगी पुरातन वास्तू सांभाळून ठेवण्यासाठीही सरकारने पुढाकार घेण्याची गरज आहे.
सुदैवाने ही घटना रात्री घडली. दिवसा घडली असती तर जीवितहानी झाली असती. मडगावच्या आमदारांनी पक्ष बदलताना जे बोलले होते, त्याप्रमाणे देवाशी बोलण्याची वेळ आली आहे.
फातोर्डा येथील रस्त्यांची खड्ड्यांमुळे चाळण झाल्याची परिस्थिती आहे, याबाबत विचारले असता ते म्हणाले की, रस्ते बांधकामात सर्वात जास्त कमिशन गोव्यात घेतले जाते. असे कमिशन घेऊन कामे केल्यास त्याचा परीणाम असाच होईल. कामाचा दर्जाही खराबच राहतो.
माझ्या कार्यकाळात आम्ही 2014 मध्ये जिल्हाधिकारी कार्यालय ते आगळीपर्यंत रस्ता तयार केला. त्या रस्त्यावर एकही खड्डा नाही.
दैनिक गोमंतकचे सदस्य व्हा
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
