Margao Municipality: मडगाव 14 व्या वित्त आयोगाकडून मिळालेल्या निधीतून 85 लाख रुपयांचे साहित्य विकत घेताना निधीचा गैरवापर केल्याची तक्रार झालेल्या रायचे माजी सरपंच ज्युडास क्वाद्रूस यांच्यासह एकूण सहा पंचांच्या विरोधात पंचायत संचालनालयाने कारणे दाखवा नोटीस बजावली आहे.
या पंचांमध्ये ज्युडास क्वाद्रूस यांच्यासह गॉडफ्री डिसोझा, जासिंता डायस, मारियो डिसोझा, सिंथिया फर्नांडिस आणि त्रिफोनिओ कार्दोस यांचा समावेश आहे.
पंचायत संचालक सिद्धी हळर्णकर यांनी ही नोटीस बजावली असून या पंचांच्या विरोधात पंचायत कायद्याच्या कलम ५० (अ) आणि (५) नुसार कारवाई का करू नये याचे स्पष्टीकरण सात दिवसांत द्यावे, असे कळविण्यात आले आहे.
सात दिवसांत नोटिसीला उत्तर न दिल्यास तुम्हाला हे आरोप मान्य आहेत, असे समजून कारवाई केली जाईल, असे स्पष्ट केले आहे.
या निधीच्या खर्चासंदर्भात काही पंच सदस्यांनीच तक्रार केली होती. 19 एप्रिल 2013 रोजी पंचायत संचालकांकडे ही तक्रार नोंदविली होती.
यासंदर्भात दक्षिण गोवा पंचायत उपसंचालकांनी दिलेल्या अहवालात हा निधी खर्च करताना योग्य त्या पद्धतीचे पालन करण्यात आले नाही.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
