Usgao Missing Girl: उसगांवमध्ये नववीत शिकणारी मुलगी बेपत्ता, काही तासांत फोंड्यातील दुसरी घटना; पोलिसात तक्रार दाखल

फोंडा: कसलये-तिस्क येथे गुरूवारी (६ मार्च) ५ वर्षीय मुलीचा मृतदेह जमिनीत गाडलेल्या अवस्थेत आढळल्यानं संपूर्ण परिसरात खळबळ उडाली आहे. अशातच आता उसगांव अवंतीनगर येथील नववीत शिकणारी अल्पवयीन मुलगी बेपत्ता झाल्याची घटना समोर आलीय.

गुरूवारी कसलये-तिस्क येथे एका घराच्या बाजूला ५ वर्षीय मुलीचा मृतदेह जमिनीत गाडलेल्या स्थितीत आढळल्याने खळबळ उडाली आहे. मयत मुलीचे नाव अमैरा ज्युडान अन्वारी असे आहे.

ज्या घराच्या शेजारी हा मृतदेह गाडला गेला होता, त्या घरमालकाला पत्नीसह फोंडा पोलिसांनी ताब्यात घेतले आहे. पोलिसांनी हा प्रकार खुनाचा गुन्हा म्हणून नोंद केला आहे. अशातच आता उसगांव अवंतीनगर येथील नववीत शिकणारी अल्पवयीन मुलगी बेपत्ता झाल्यानं नागरिकांमध्ये भीतीचं वातावरण पसरलं आहे.

गुरूवारची घटना ताजी असतानाच उसगांव अवंतीनगर येथील नववीत शिकणारी एक अल्पवयीन मुलगी बेपत्ता झाल्याचं समोर आलंय. याबाबत फोंडा पोलीस ठाण्यात तक्रार नोंदवण्यात आली आहे.

मुलीचा शोध घेण्यासाठी पोलिसांनी शोधकार्य सुरू केलं आहे. परिसरातील सीसीटीव्ही फुटेज तपासले जात आहेत. स्थानिक नागरिक आणि मुलीच्या कुटुंबीयांशी चर्चा करून काही महत्त्वाचे धागेदोरे मिळवण्याचा प्रयत्न केला जात आहे.