Ravi Naik: 'प्रशासन तुमच्या दारी' उपक्रमानंतर मंत्री रवी नाईक यांचा धक्का

Ravi Naik: कृषी आणि नागरी पुरवठा मंत्री रवी नाईक यांनी आज, शुक्रवारी अचानक पणजीतील गोडाऊनला भेट दिली. त्यांच्या या अचानक भेटीने कर्मचाऱ्यांचे धाबे दणाणले. दरम्यान, गोडाऊनला दिलेल्या भेटीप्रसंगी बहुतांश कर्मचारी अनुपस्थित असल्याचे आढळून आले. याबाबत मंत्री नाईक यांनी तीव्र नापसंती दर्शवली आहे.

मुख्यमंत्री डॉ. प्रमोद सावंत यांच्या सरकारला ४ वर्षे पुर्ण झाल्यासह केंद्रातील मोदी सरकारला ९ वर्षे पुर्ण होत आहेत. या निमित्त गोवा सरकारकतर्फे प्रशासन तुमच्या दारी या उपक्रमाचे आयोजन केले आहे.

त्याचाच एक भाग म्हणून आज, शुक्रवारी राज्यातील १२ ही मंत्री १२ तालुक्यात आहेत. उपजिल्हाधिकारी कार्यालयात या उप्रकमाचे आयोजन केले आहे.

या उपक्रमाचा भाग म्हणून राज्याचे कृषी, नागरी पुरवठा आणि हँडिक्राफ्ट मंत्री रवी नाईक हे तिसवाडी म्हणजे पणजीत होते. या उपक्रमानंतर मंत्री नाईक यांनी अचानक नागरी पुरवठा गोडाऊनला भेट द्यायची ठरवली आणि ते त्यासाठी गेले.

पण गोडाऊनमध्ये गेल्यावर त्यांनाच धक्का मिळाला. कारण तिथे बहुतांश कर्मचारी अनुपस्थित होते. त्यावरून उपस्थित कर्मचाऱ्यांना मंत्री नाईक यांनी जाब विचारला. याबाबत कडक कारवाई केली जाणार असल्याचे समजते.