वाळपई: नवोदय विद्यालयाजवळील म्हादई नदीपात्रात बुडालेल्या मडगाव येथील तरुणाचा मृतदेह सोमवारी सकाळी अथक शोधमोहीमीनंतर सापडला. माबुली पटेल (वय २८, रा. मडगाव) असे मृत तरुणाचे नाव आहे.
माहितीनुसार, माबुली पटेल हा ईदनिमित्त शनिवारी वाळपई येथे नातेवाईकांकडे आला होता. रविवारी सायंकाळी तो मित्रांसह नवोदय विद्यालयाजवळील म्हादई नदीपात्रात आंघोळीसाठी गेला; मात्र पाण्याचा अंदाज न आल्याने तो खोल पाण्यात बुडाला.
घटनेची माहिती मिळताच वाळपई अग्निशमन दलाचे जवान तातडीने घटनास्थळी दाखल झाले आणि शोधमोहीम सुरू केली. बोटीच्या सहाय्याने तसेच नदीत उतरून शोधकार्य करण्यात आले; मात्र रात्री उशिरापर्यंत शोध घेऊनही काहीच निष्पन्न झाले नाही. सोमवारी सकाळी पुन्हा पोलिस व अग्निशमन दलाने शोधमोहीम सुरू केली.
अखेर सकाळी साडेअकराच्या सुमारास नवोदय विद्यालयाच्या पलीकडे खडकी गावाजवळ नदीच्या मधोमध माबुलीचा मृतदेह आढळून आला. यानंतर अग्निशमन दलाच्या जवानांनी मृतदेह बाहेर काढून वाळपई पोलिसांच्या स्वाधीन केला. पोलिसांनी पंचनामा करून मृतदेह गोमेकॉ येथे शवविच्छेदनासाठी पाठविला आहे.
दैनिक गोमंतकचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.