साळ: ग्रामीण विकास यंत्रणेमार्फत डिचोली तालुक्यातील मेणकुरे येथे सुमारे 24 लाख रुपये खर्चून नैसर्गिक तळीचे सुशोभीकरण, अस्तित्वात असलेल्या गणपती विसर्जन शेडची दुरुस्ती, पायऱ्या तसेच संरक्षक भिंतीच्या कामाचे उद्घाटन डिचोलीचे आमदार डॉ. चंद्रकांत शेट्ये यांच्या हस्ते करण्यात आले.
यावेळी मेणकुरे ग्रामपंचायतीच्या सरपंच संजना नाईक, उपसरपंच ज्ञानेश्वर परब, माजी सरपंच विश्वनाथ नाईक, माजी पंच गुरुदास परब, सुरेश शेट्ये, ग्रामीण विकास यंत्रणेचे अधिकारी श्यामसुंदर मयेकर, कंत्राटदार संदीप हरमलकर उपस्थित होते.
डिचोली मतदारसंघातील प्रत्येक पंचायतीला विश्वासात घेऊन विकासाची कामे मार्गी लावली जातील. त्यात कोणताही भेदभाव किंवा राजकारण केले जाणार नाही. विकासासाठी सर्वांनी एकत्रित येऊन काम करावे, असे आवाहन शेट्ये यांनी केले.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
