Mega Block: कुमठा-कुंदापूर रेल्वे मार्गावर मेगा ब्लॉक

शुक्रवार, १ सप्टेंबर रोजी कुमठा ते कुंदापूर रेल्वे मार्गादरम्यान देखभाल व दुरुस्तीचे काम हातात घ्यावयाचे असल्याने दुपारी १.१० ते सायंकाळी ४.१० वा. असे तीन तास मेगा ब्लॉक जाहीर करण्यात आला आहे.

त्यामुळे खालील प्रवासी रेल्वे गाड्यांचे नियमन केले जाईल. ट्रेन क्रमांक १६३३३ थिरुवनंतपुरम सेंट्रल एक्सप्रेस जी गुरुवार, ३१ ऑगस्ट रोजी सुटणार आहे तिचे रोहा ते कुमठादरम्यान तीन तास नियमन केले जाईल, त्याचप्रमाणे ट्रेन क्रमांक १२६२० मंगळुरू सेंट्रल ते लोकमान्य टिळक, मत्स्यगंधा एक्सप्रेस, जिचा प्रवास १ सप्टेंबर रोजी सुरू होणार आहे तिचे सुरतकल ते कुंदापूरदरम्यान दीड तासासाठी नियमन केले जाईल. प्रवाशांनी या बदलाची नोंद घ्यावी, असे रेल्वेतर्फे कळविण्यात आले आहे.