डिचोली, तब्बल चार वर्षांच्या खंडानंतर यंदा मये येथील प्रसिद्ध ''रेड्या''ची जत्रा (व्हडली जत्रा) साजरी होणार असल्याची माहिती मिळाली आहे.
मयेतील ''माल्या''ची जत्रा साजरी होवून ''माले'' पेटल्याने रेड्याची जत्रा साजरी होणार असल्याचे जवळपास स्पष्ट झाले आहे. त्यामुळे जत्रेबाबतीत मयेवासीयांसह भाविकांच्या आशा पल्लवीत झाल्या आहेत.
श्री माया केळबाय पंचायतन देवस्थानची मंगळवारी (ता.२०) साजरी होणार आहे. कायदेशीर अडथळा निर्माण झाला नाही, तर ही जत्रा निर्विघ्नपणे साजरी होणार आहे.
...म्हणून मार्ग झाला मोकळा
मान आणि अधिकाराच्या मुद्यावरुन गेल्या दोन वर्षापासून मयेतील रेड्याची जत्रा साजरी झालेली नाही. त्यापूर्वी ''कोविड'' महामारीमुळे दोन वर्षे या जत्रेवर निर्बंध आले होते.
मयेतील ''माल्या''च्या जत्रेवरच रेड्याच्या जत्रेचे भवितव्य अवलंबून असते. तब्बल चार वर्षांच्या खंडानंतर ''माल्या''ची जत्रा साजरी झाल्याने आता ''रेड्या''ची जत्रा साजरी होण्याचा मार्ग मोकळा झालेला आहे.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.