मायणा कुडतरी पोलिस ठाण्याच्या हद्दीत एका 27 वर्षीय विवाहितेवर बलात्कार झाल्याची घटना घडली होती. या प्रकरणातील संशयित फरार होता. फरार संशयिताला अटक करण्यात गोवा पोलिसांना यश आले आहे. पोलिसांनी पश्चिम बंगाल हावडा येथे जाऊन संशयिताला अटक केली.
संशयित नाबाकुमार सरदार (26) याला सोमवारी घेउन पोलिस गोव्यात पोहचले. संशयित पिडित महिलेच्या पतीचा नातेवाईक आहे. त्याच्या विरुध्द भादंसंच्या ३६६, ३७६ व ५०६ कलमाखाली पोलिसांनी गुन्हा नोंद केला आहे.
अधिक तपासासाठी या संशयिताला सात दिवसांची पोलिस कोठडी सुनावण्यात आली आहे. मायणा कुडतरी पोलिस ठाण्याचे पोलिस निरीक्षक अरुण देसाई यांच्या उपनिरीक्षक वर्षदा नाईक देसाई पुढील तपास करीत आहेत.
9 जून ते 20 जून 2023 पर्यंत संशयिताने पिडितेवर लैंगिक अत्याचार केले होते. या प्रकरणी झाल्या प्रकाराची कुठे वाच्यता केल्यास गंभीर परिणाम भोगावे लागेल अशी धमकीही त्याने दिली होती.
पिडित महिला मायणा कुडतरी पोलिस ठाण्याच्या हद्दीतील एका ठिकाणी भाडयाच्या घरात रहात होती. तिथे संशयिताने तिच्यावर बलात्कार केला होता. हा संशयित सध्या पोलीस कोठडीत असून या प्रकरणी पुढील तपास पोलिसांकडून करण्यात येत आहे .
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.