मडगाव: राय परिसरातील रस्त्यांच्या हॉटमिक्सिंगचे काम सुरू करण्यात आले आहे. त्‍यावर सुमारे ३.५ कोटींचा खर्च केला जाणार आहे. रायमध्ये भूमिगत वाहिन्यांचे काम होणे बाकी आहे. हॉटमिक्सिंग केलेले रस्त्यांचे पुन्हा खोदकाम करू देणार नाही, त्यासाठी पर्यायी व्यवस्था करावी. याबाबत सर्व खात्यांशी चर्चा केलेली आहे, अशी माहिती आमदार आलेक्स रेजिनाल्ड लॉरेन्‍स यांनी दिली.
राय-कुडतरी येथील रस्‍त्‍याच्‍या हॉटमिक्सिंगच्या कामाची सुरवात आमदार रेजिनाल्ड यांच्या उपस्थितीत झाली. यावेळी त्‍यांनी सांगितले की, कुडतरी मतदारसंघातील विविध भागातील रस्त्यांच्या हॉटमिक्सिंगचे काम हाती घेण्यात आलेले आहे. कोणत्याही प्रकारच्या राजकारणाशिवाय कुडतरी मतदारसंघासाठी काम केले जात आहे.
राय परिसरात भूमिगत वाहिन्यांचे काम झालेले नाही मात्र कुडतरी परिसरात झालेले आहे. राय परिसरातील रस्त्यांच्या हॉटमिक्सिंगचे काम करत असताना वाहिन्या टाकण्यासाठी खोदकाम करण्याकरिता बाजूला पर्यायी व्यवस्था करण्याच्या सूचना केलेल्या आहेत. दरम्‍यान, कुडतरी मतदारसंघात आत्तापर्यंत ५० ते ६० कोटी रुपयांची रस्त्यांची कामे हाती घेतलेली आहेत.
कुडतरी मतदारसंघातील रस्त्यांशेजारी टाकण्यात येणारा कचरा पंचायतीकडून उचलण्यात येतो. पण लोक पुन्हा कचरा टाकतात. राज्याबाहेरून आलेल्या व्यक्तींसह काही स्थानिकांकडूनही कचरा टाकण्याचे प्रकार घडतात. पण सुका व ओल्या कचऱ्यासाठी व्यवस्थापन करण्याची गरज असून ती केली जाईल. हा कचरा गुरे खातात व त्यांच्या आरोग्यावर परिणाम होतो. त्यामुळे माणसांसह प्राण्यांच्या आरोग्याच्या दृष्टीने घातक असल्याने कचरा कुणीही रस्त्याशेजारी टाकू नये, असे आवाहन आमदार रेजिनाल्ड यांनी केले.
दैनिक गोमंतकचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
