मडगाव: मडगाव पोलिस स्थानकातील डेंग्यूच्या प्रकरणांचा मुद्दा ७ ऑगस्ट रोजी उपस्थित केल्यानंतर सरकारला अखेर दखल घ्यावी लागली. मडगावचे आमदार तथा सार्वजनिक बांधकाम मंत्री दिगंबर कामत यांनी १३ ऑगस्ट रोजी पोलिस स्थानकाला भेट देऊन तेथील दयनीय परिस्थितीची पाहणी केली, असा दावा ‘मडगांवचो आवाज’चे युवा नेते प्रभव नायक यांनी केला आहे.
नायक म्हणाले की, ही पाहणी ‘मडगांवचो आवाज’ने सातत्याने उपस्थित केलेल्या प्रश्नांचा थेट परिणाम असून, जनदबावामुळे सरकारला कृती करण्यास भाग पाडता येते, हे यातून स्पष्ट झाले आहे. “ज्या पोलीस आस्थापनाकडे यापूर्वीच लक्ष दिले जाणे आवश्यक होते, त्याची दयनीय अवस्था पाहण्यासाठी सरकारला डेंग्यूची प्रकरणे, डासांचे चावे आणि झुरळांचा उपद्रव निर्माण होईपर्यंत वाट पाहावी लागली, हे दुर्दैवी आहे,” असे ते म्हणाले.
सरकारवर टीका करताना प्रभव नायक म्हणाले, “कदाचित झुरळे आणि डासांच्या चाव्यांनी ते काम केले आहे, जे वारंवार केलेल्या सूचना आणि जनतेच्या मागण्यांना करता आले नाही. त्यांनीच अखेर सरकारला जागे केले आहे. मडगाव पोलिस स्थानक, दक्षिण गोवा व कुशावती जिल्हा पोलिस मुख्यालय तसेच लगतच्या पोलीस निवासस्थानांची अवस्था ही अत्यावश्यक सार्वजनिक पायाभूत सुविधांकडे सरकारने केलेल्या दुर्लक्षाचे गंभीर उदाहरण असल्याचा आरोपही त्यांनी केला.
दैनिक गोमंतकचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
