Goa News: मडगावच्या कोमुनिदाद इमारतीची दुरुस्ती सरकारमार्फतच केली जाईल. दुरुस्ती पूर्ण झाल्यावर इमारत कोमुनिदादच्या स्वाधीन केली जाईल, असे स्पष्टीकरण सार्वजनिक बांधकाममंत्री नीलेश काब्राल यांनी कोमुनिदाद सदस्यांना दिले आहे.
प्रजासत्ताकदिनी मडगावात झेंडावंदनासाठी आल्यावेळी मंत्री व कोमुनिदाद सदस्यांमध्ये चर्चा झाली. त्यावेळी मंत्र्यांनी वरील पर्याय सुचविला. शिवाय दुरुस्ती कशी व कुठे करावी, हा निर्णय कोमुनिदाद सदस्यांना घ्यायचा आहे, असेही मंत्र्यांनी स्पष्ट केले.
त्यासाठी मंत्र्यांसह सदस्यांनी इमारतीची पाहणी करावी, सर्वेक्षण करावे व खर्चाचे अंदाजपत्रक ठरवावे, असे चर्चेच्या वेळी ठरले. सार्वजनिक बांधकाम खात्याने इमारतीच्या दुरुस्तीसाठी 2.83 कोटी खर्चाचे अंदाजपत्रक तयार केले आहे. पाहणी केल्यानंतर त्यात कमी जास्त फरक पडण्याची शक्यता नाकारता येत नाही.
कोमुनिदाद सदस्यांना भीती होती की, दुरुस्त केल्यावर सरकार इमारत आपल्या ताब्यात घेईल. पण मंत्र्यांनी सरकारचा तसा कोणताही इरादा नसल्याचे स्पष्ट केले.
दुरुस्ती खर्चासाठी त्यांचा कितीचा वाटा असेल हे कोमुनिदाद फोरमने ठरवावे, असा पर्यायही मंत्र्यांनी दिला आहे. एकदा का खर्चाचे अंदाजपत्रक तयार झाले की सरकार निविदा काढणार असल्याचे मंत्री काब्राल यांनी स्पष्ट केले.
मंत्र्यांबरोबरची चर्चा फलदायी ठरली. यावेळी इमारतीचा ढासळत्या डोलाऱ्यासंदर्भातील माहिती मंत्र्यांना दिली व पुढे काय करावे याबद्दल चर्चा केली. जरी सार्वजनिक बांधकाम खात्याने दुरुस्ती केली तरी इमारतीचा मालकी हक्क कोमुनिदादकडेच राहणार, असे मंत्र्यांनी आश्र्वासन दिले आहे. - फ्रॅंकी मोंतेरो, अध्यक्ष, कोमुनिदाद फोरम
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.
