Police to Investigate Suspicious Death at Margao ESIC Hospital
मडगाव: मडगावच्या ईएसआय इस्‍पितळात हाताच्‍या बोटाची शस्‍त्रक्रिया करताना सुनयना सुमो देसाई (५०,रा. सावर्डे) या महिलेच्‍या संशयास्पद मृत्‍यूप्रकरणी मडगाव पोलिसांनी एफआयआर दाखल करून चौकशी करावी, असा आदेश मडगावच्या प्रथम वर्ग न्याय दंडाधिकारी साबिनो ब्रागांझा यांनी दिला आहे.
१५ फेब्रुवारी २०२३ रोजी मडगावच्या ‘ईएसआय’ इस्‍पितळात सदर प्रकरण घडले होते. डाव्‍या हाताच्‍या अंगठ्याला संवेदना नसल्‍याने सुनयना देसाई हिला शस्‍त्रक्रिया करण्‍यासाठी या इस्‍पितळात भरती करण्‍यात आले होते. या महिलेला ऑपरेशन थिएटरमध्ये सकाळी ९.३० वाजता नेले असता संध्याकाळी ५.३० वाजता तिचा हृदय विकाराच्या झटक्याने मृत्यू झाला असल्याचे डॉक्टरांनी सांगितले होते. त्या दिवशी तिची तब्येत उत्तम असताना ऑपरेशननंतर तिचा मृत्यू संशयास्पद आणि डॉक्टरांच्या हलगर्जीपणामुळे झाला असल्याचा आरोप करून नातेवाईकांनी मडगाव पोलिसांत तक्रार केली होती.
या प्रकरणी गोमेकॉचे डीन डॉ. शिवानंद बांदेकर यांच्या नेतृत्वाखाली पाच सदस्यीय डॉक्टरांनी शवचिकित्सा केली होती. तरीही मडगाव पोलिसांकडून या प्रकरणी एफआयआर नोंदवून चौकशी करण्याची विनंती सुनयना हिचे भावोजी सूरज सावंत यांनी मडगावच्या प्रथम वर्ग न्याय दंडाधिकाऱ्याकडे याचिका दाखल केली होती.
याचिकादारातर्फे ॲड. रोहन देसाई आणि ॲड. प्रितेश माजाळीकर यांनी, तर सरकारतर्फे वकील एस. नागवेकर यांनी युक्तिवाद केला. तसेच या प्रकरणाची माहिती उच्च न्यायालयाला देऊन सदर याचिका निकाली काढण्याचे निर्देश दिले आहेत.
दैनिक गोमंतकचे सदस्य व्हा
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.