Margao Gunfire Case: मडगाव येथे गुरुवारी रात्री पैशांच्या वादातून पिस्तुलातून गोळ्या झाडल्याची घटना घडली होती. याप्रकरणी रसेल डिसोझा (48) या संशयिताला एक दिवसाची पोलिस कोठडी सुनावली होती.
दरम्यान, शनिवारी एक दिवसाच्या पोलिस कोठडीचा रिमांड संपल्याने त्याला पुन्हा मडगाव न्यायालयात हजर केले असता, त्याला सात दिवसांचा न्यायालयीन कोठडीचा रिमांड देण्यात आला.
संशयित रसेल याने पैशांच्या वादातून जुन्या मार्केटमधील ए-वन खान फास्टफूड सेंटरचे मालक मशीमुल्ला उर्फ लालू खान यांच्यावर पिस्तुलातून गोळ्या झाडल्या होता. लालू खान पळून गेल्याने ते यातून बालंबाल बचावले.
पैशांच्या देवाणघेवाणीवरून दोघांमध्ये वाद झाला. यावेळी भडकलेल्या डिसोझाने पिस्तुलातून तीन गोळ्या झाडल्या. लालू खान त्यावेळी पळून गेल्याने या हल्ल्यातून ते बचावले.
त्यानंतर डिसोझा स्वतःहून फातोर्डा ठाण्यात पोलिसांना शरण आला. विशेष म्हणजे, मागच्या वर्षी झालेल्या कार्निव्हल परेडमध्ये संशयित रसेल याची ‘किंग मोमो’ म्हणून निवड झाली होती.
दरम्यान या प्रकरणात फाताेर्डा पोलिसांनी जप्त केलेले पिस्तूल आणि संशयिताने झाडलेल्या गोळ्या फॉरेन्सिक चाचणीसाठी पाठविण्यात येणार आहेत.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
