सासष्टी, मडगाव शहरातील पदपथावरच बाजार भरत असल्यामुळे नागरिकांना नाहक त्रास सहन करावा लागत आहे. पदपथावर वेगवेगळ्या प्रकारची दुकाने थाटण्यात आली आहेत. शिवाय पदपथाजवळच वाहने उभी केली जातात.
शिवाय पार्किंगसाठी ठेवलेल्या जागासुद्धा या बेकायदा व्यावसायिकांनी व्यापलेल्या आहेत. या प्रकाराकडे पालिकेचेही दुर्लक्ष झाले आहे. पालिकेने त्वरित कारवाई कारवाई अशी मागणी ग्रामस्थांतर्फे करण्यात येत आहे.
दुकाने थाटल्यामुळे पदपथावरून चालणे कठीण होत आहे. या प्रकारामुळे मडगावकर त्रस्त झाले आहेत. या प्रकाराबाबत आमदार, नगरसेवक, सरकारी अधिकारी अनभिज्ञ आहेत. त्यांनी लक्ष देण्याची गरज आहे. त्यांच्या दृष्टीला हा पदपथ दिसत नाही, त्यामुळेच अद्याप या बेकायदा व्यावसायिकांवर कारवाई करण्यात आली नाही.
नगरपालिका इमारत परिसरात स्थलांतरितांची गर्दीच असते. तिथे पार्किंग सुद्धा करायला लोकांना भिती वाटू लागली आहे. त्या भागातील रस्ते पिचकाऱ्यांनी रंगले आहेत. पालिकेने या प्रकाराकडे लक्ष देण्याची गरज आहे, असे ज्येष्ठ नागरिकांचे मत आहे.
विनोद शिरोडकर म्हणाले, फुटपाथवरील बेकायदा व्यापारामुळे न्यू मार्केटमधील व्यापाऱ्यांवर उपासमारीचे दिवस आले आहेत. तक्रार करुन आम्ही थकलो आहोत. कारवाई होणे गरजेचे आहे.
अजब प्रकार!
न्यू मार्केट व्यापाऱ्यांची नूतन कार्यकारिणी समितीचे अध्यक्ष गणेश नाईक म्हणाले, मार्केटमध्ये व नगरपालिका परिसरात जे बेकायदेशीर व्यापार चालू आहेत. त्याबद्दल आमदार दिगंबर कामत व नगरपालिकेला सांगण्यात आले आहे.
त्याच्याविरुद्ध कारवाई करण्याची मागणी केली आहे. पण या गोष्टीला आता जवळ जवळ दोन महिने झाले, तरी बेकायदेशीर कमी होण्याऐवजी वाढतच आहे. हा अजब प्रकार आहे.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
