Goa News: न्हावेली साखळी येथे अपघातातील जखमी मुलाचे निधन; वाचा गोव्यातील दिवसभरातील घडामोडी

न्हावेली-साखळी येथे बुधवारी संध्याकाळी ट्रक आणि मोटरसायकलच्या अपघातात गंभीर जखमी झालेला १६ वर्षीय अल्पवयीन मुलाचे आज सकाळी बांबोळी येथील गोमेकॉ रुग्णालयात उपचारादरम्यान निधन. डिचोली पोलिसांकडून ट्रकचालकाविरोधात गुन्हा नोंद.

भारताने पाकिस्तानवर हल्ला करून प्रसिद्ध रावळपिंडी क्रिकेट स्टेडियम उद्ध्वस्त केले. आज स्टेडियमवर पीएसएलचा सामना होणार होता.

शिरगाव चेंगराचेंगरीचा आज संध्याकाळपर्यंत तथ्य शोधण्याचा अहवाल येईल. उद्या त्याबद्दल माहिती देणार: मुख्यमंत्री डॉ. प्रमोद सावंत

कालच्या झालेल्या कारवाईनंतर आम्ही जास्त दृश्यमानता आणि पर्यटकांची गर्दी असलेल्या ठिकाणी सुरक्षा उपाय वाढवणार.मुख्यमंत्र्यांच्या सूचनांनुसार दिवस आणि रात्री सुरक्षा वाढवण्यात येईल. डीजीपी आलोक कुमार

शिरगाव दुर्घटनेमागे देवस्थानच्या माजी अध्यक्षांचा हात असू शकतो. विद्यमान समितीचा दावा. सत्यशोधन समितीने चौकशी करून दोषीवर कारवाई करण्याची मागणी.

श्रवण बर्वे खून प्रकरणी वासुदेव वझरेकर, देविदास बर्वे आणि उदय बर्वे यांना १४ दिवसांची न्यायालयीन कोठडी

मुख्यमंत्री डॉ. प्रमोद सावंत यांच्या अध्यक्षतेखाली गोवा राज्य पायाभूत सुविधा विकास महामंडळ (GSIDC) ची २०५ वी संचालक मंडळ बैठक झाली, ज्यामध्ये उपाध्यक्ष आणि आमदार श्री केदार नाईक, व्यवस्थापकीय संचालक श्री हरीश अडकोणकर आणि सहकारी संचालकांचा समावेश होता.

उत्तराखंडमधील उत्तरकाशी जिल्ह्यातील गंगानणीजवळ हेलिकॉप्टर कोसळून पाच जणांचा मृत्यू. बचावकार्य सुरू.

रिचर्ड नोरोन्हा डिसिगंटेड ऑफिसर नॉर्थ गोवा, राजाराम पाटील सीनियर फूड सेफ्टी ऑफिसर, लेनिन देसा, अमित मांद्रेकर आणि स्नेहा गौडे यांच्या एफडीए पथकाने संचालक श्वेता देसाई यांच्या मार्गदर्शनाखाली सुकुर आणि करसवाडा येथील ७ युनिट्सची पुन्हा तपासणी केली. एफडीएच्या निर्देशांचे पालन करणाऱ्या २ युनिट्सना पुन्हा काम सुरू करण्याची परवानगी देण्यात आली. दम बिर्याणी बनवण्यात गुंतलेल्या २ अस्वच्छ युनिट्सना कोलवाळ येथील कामकाज बंद करण्याचे निर्देश देण्यात आले.