Goa News: CM सावंतांनी दिल्लीत राष्ट्रीय सागरमाला शिखर समितीच्या बैठकीला लावली हजेरी; वाचा गोव्यातील ठळक घडामोडी

राज्याचे विद्यमान मुख्यमंत्री डॉ. प्रमोद सावंत यांनी नवी दिल्ली येथे राष्ट्रीय सागरमाला शिखर समितीच्या बैठकीला हजेरी लावली. यावेळी मुख्यमंत्री म्हणाले की, ''सरकारने सागरमाला अंतर्गत विविध प्रकल्प सुरु केले आहेत.

राज्य माहिती आयुक्त आत्माराम बर्वे यांच्याकडून कोकणीतून पहिला निवाडा. सार्वजनिक माहिती अधिकारी, जिल्हाधिकारी कार्यालय, दक्षिण गोवा यांच्या विरुद्ध एकाने सादर केलेल्या पहिल्या अपिलवर निवाडा देताना बर्वेंकडून राज्यभाषा कोकणीचा वापर.

गोव्याच्या मनोहर आंतरराष्ट्रीय विमानतळाला बिल्ड इंडिया इन्फ्रा पुरस्कार २०२५ मध्ये “नागरी विमान वाहतूक – शाश्वतता” पुरस्कार.

गोवा विद्यापीठाच्या अधिकाऱ्यांनी एका प्राध्यापकाला संरक्षण दिल्याबद्दल आणि अनेक महिने मोठ्या प्रमाणात पेपरफुटी प्रकरण लपवल्याबद्दल कठोर कारवाई करण्याची मागणी करण्यासाठी एनएसयूआय आणि आयवायसी यांनी गोवा विद्यापीठाचे कुलपती माननीय राज्यपाल यांची भेट घेतली आणि अशा विद्यापीठाच्या अधिकाऱ्यांवर कठोर कारवाईची मागणी एनएसयूआय आणि आयवायसी यांनी केली.आता इफेक्ट फायटिंग कमिटी त्यांनी केलेली आहे आणि आम्हाला या समितीवर संशय असल्यामुळे आम्ही गव्हर्नरला भेटून या अधिकाऱ्यांवर कठोर कारवाई करावी अशी मागणी केली आहे आणि यावर गव्हर्नरने त्यांना आश्वासन दिला आहे की यात लक्ष घालून यावर योग्य ती कारवाई केली जाईल.

मधलावाडा, केरी-पेडणे येथे मंगळवारी रात्री पाणी पिण्यासाठी आलेल्या १० रानडुक्करांच्या पिल्लांचा विहिरीत पडून मृत्यू.

साखळी शिमगोत्सव समितीतर्फे साखळीत शासकीय पातळीवरील शिमगोत्सव २७ व २८ मार्च रोजी साजरा करण्यात येणार आहे. यावर्षी शिमगोत्सव समितीने गुगल अर्ज तयार केले असून ऑनलाईन पध्दतीने दि. २५ मार्च पर्तंत प्रवेश स्विकारला जाईल. त्यानंतर प्रवेश बंद केला जाईल. यावर्षी शिमगोत्सव वेळेत सुरू करून वेळेत संपविण्यासाठी समिती पूर्ण काळजी घेणार आहे. पत्रकार परिषदेत वरील माहिती देण्यात आली.

कोपार्डे सत्तरी येथील सुप्रसिध्द श्री ब्राम्हणी महामाया देवस्थानच्या न्हावणोत्सवाने पाच दिवसीय शिगमोत्सवाची सांगता, मिरवणुकीत मोठ्या संख्येने भावकांची उपस्थिती.