Goa News: भोम येथील स्थानिकांनी महामार्ग रुंदीकरणाबद्दल व्यक्त केली चिंता; वाचा गोव्यातील ठळक घडामोडी

गोविंद गावडेंना मंत्रिमंडळातून डच्चू दिल्यानंतर मंत्री सुदिन ढवळीकरांची पहिली प्रतिक्रिया.

उत्पल पर्रीकर यांच्याशी झालेल्या बैठकीत भोम येथील स्थानिकांनी महामार्ग रुंदीकरणाबद्दलच्या त्यांच्या चिंता व्यक्त केल्या

प्रदेश भाजपचे नवनिर्वाचीत उपाध्यक्षपद प्रियोळचे माजी आमदार एड.विश्वास सतरकरांचे प्रियोळ मतदारसंघातील सर्व माजी भाजप मंडळ अध्यक्षांकडून अभिष्टचिंतन. काशिनाथ गावडे,सतीश मडकईकर,दिलीप नाईक,उत्तम फडते,शिवाजी गावडे, गजानन‌ प्रभूदेसाई यांनी सतरकरांच्या घरी भेट देत केले अभिनंदन.

केरये- खांडेपार येथे सोमवारी रात्री स्वयं अपघातातगंभीर जखमी झालेल्या नुशी नाईक (३६, तरवळे- शिरोडा) या स्कुटर चालकाचा उपचार सुरु असताना गोमेकोत मृत्यू.

नारायण नगर होंडा येथे वादळी वाऱ्यामुळे आज पहाटे महेश तांबट यांच्या घरा शेजारी असलेले आंब्याचे झाड घरावर तसेच कार, दुचाकीवर पडून मालमत्तेचे लाखोंचे नुकसान. सुदैवाने जीवितहानी टळली. वाळपई अग्निशमन दलातर्फे मदतकार्य.

पणजी स्मार्ट सिटीमध्ये जुन्या उत्पादन शुल्क मुख्यालयाजवळ आणखी एक गांजाचा रोप सापडले. अधिक माहितीची प्रतीक्षा आहे.

केरये- खांडेपार येथे सोमवारी रात्री स्वयं अपघातात स्कुटर चालक गंभीर जखमी. जखमीवर गोमेकोत उपचार सुरु. फोंडा पोलिसांनी केला पंचनामा

मध्यपूर्वेतील तणावग्रस्त परिस्थितीमुळे एअर इंडियाने तात्काळ प्रभावाने त्या भागातील तसेच उत्तर अमेरिका व युरोपच्या पूर्व किनाऱ्यावरील उड्डाणे स्थगित केली आहेत. प्रवाशांच्या सुरक्षिततेसाठी घेतलेला निर्णय असून स्थितीवर सतत लक्ष ठेवले जात आहे असे एअर इंडियाने एक्सवर म्हटले आहे

सोनारबाग- उसगाव येथे झाड वीज वाहिन्यावर कोसळल्याने ३ वीज खांब जमीनदोस्त. काहीवेळ वाहतूक ठप्प झाल्याने विध्यार्थी व कामगार वर्ग पडले अडकून. फोंडा अग्निशमन दलाच्या कर्मचाऱ्यानी त्वरित हटवले रस्त्यावरील झाड.