Mapusa News : जलतरणपटू जेरी डिमेलोचा म्हापसा पोलिसांतर्फे सत्कार; चार सुवर्ण, दोन रौप्य, तीन कांस्य पदके

Mapusa News :

म्हापसा, राष्ट्रीय स्तरावरील फ्री स्टाईल जलतरणात उत्कृष्ट कामगिरीबद्दल म्हापसा पोलिस स्थानकातर्फे जलतरणपटू जेरी डिमेलो याचा सत्कार करण्यात आला.

पोलिस निरीक्षक निखिल पालेकर यांच्या हस्ते जेरी याला स्मृतिचिन्ह, भेटवस्तू आणि पुष्पगुच्छ देण्यात आला. जेरी हा आकय-म्हापसा येथील रहिवासी आहे.

यावेळी उपनिरीक्षक अभिजीत नाईक, हेड कॉन्स्टेबल सुशांत नाईक चोपडेकर, शिवाजी शेटकर आणि मान्यवर उपस्थित होते.

जेरी याने राष्ट्रीय स्तरावरील फ्री स्टाईल जलतरणात आतापर्यंत ४ सुवर्णपदके, २ रौप्य पदके व गेल्या आठ वर्षांत ३ कांस्य पदके पटकावली आहेत. २०१२ पासून तो जलतरण या क्रीडा प्रकारात सक्रिय असून सध्या तो विद्यार्थ्यांना प्रशिक्षण देतो. तसेच जलतरणाच्या राष्ट्रीय स्तरावरील संमेलनात तो भाग घेत आहे.