Mapusa: दुचाकी चोरी प्रकरणात मयडेतील दोघांना अटक

गेल्या काही तासांत कोलवा पोलिसांनी गोगोल येथील गृहनिर्माण मंडळाच्या दोन रहिवाशांना कारमधून वस्तू चोरल्याच्या आरोपाखाली अटक केली आहे. या दरम्यान आता म्हापसा पोलिसांनी एक कारवाई केली आहे. या कारवाईत दोघा चोरट्यांना अटक केली आहे. त्यामुळे राज्यात दिवसेंदिवस गुन्हेगारीच्या घटना वाढल्याची नागरीकांची शंका खरी ठरली आहे.

(Mapusa Police has arrested two people from Moira in two wheeler theft case )

मिळालेल्या माहितीनुसार गेल्या काही दिवसांपुर्वी म्हापसा पोलिसांकडे दुचाकी चोरी झाल्याची तक्रार दाखल झाली होती. यावरुन पोलिसांनी आज दोघांना अटक केली आहे. शंतनू चारी आणि शिवम मयेकर अशी या दोघांची नावे आहेत. दोघेही मयडे येथील रहिवाशी असल्याची माहिती समोर आली आहे.

पोलिसांनी दुचाकी चोरीच्या संशयावरुन दोघांनाही ताब्यात घेत चौकशी केली असता संशयितांनी मोटारसायकल चोरी केल्याची कबुली दिली आहे. संशयितांकडून दुचाकी (RX-100) जप्त केली आहे. तसेच संशयितांचा आणखी कोणत्या गुन्ह्यात समावेश आहे का? याचा तपास सुरु असल्याची माहिती पोलिसांनी दिली आहे.