म्हापसा: रत्नागिरी येथील ४७ वर्षीय कामगाराचा छतावरून पडून मृत्यू झाल्याची धक्कादायक घटना समोर आली. निष्काळजीपणामुळे झालेल्या या अपघातानंतर म्हापसा पोलिसांनी दोन घरमालकांवर गुन्हा दाखल केला आहे.
मिळालेल्या माहितीनुसार, म्हापसा येथील राजवाडो भागात राहणारे गॉडविन मेंडीस आणि मौना गौतम मुन्शी यांनी त्यांच्या घरावर बसविलेले सौरऊर्जा (सोलर) पॅनेल साफ करण्यासाठी रत्नागिरी येथील रहिवासी असलेले ४७ वर्षीय महेश जनार्दन दळवी यांना कामावर ठेवले होते. घरमालकांनी महेश दळवी यांना उंचीवर काम करण्यासाठी आवश्यक असणारी कोणतीही सुरक्षा साधने पुरवली नव्हती.
तसेच छतावर काम करताना घ्यायची कोणतीही कायदेशीर खबरदारी न घेतल्याने २३ मे रोजी दुपारी हे काम सुरू असताना महेश दळवी हे छतावरून खाली पडून गंभीर जखमी झाले. त्यांना तातडीने गोमेकॉत उपचारासाठी दाखल करण्यात आले होते. मात्र, उपचारादरम्यान त्यांची प्राणज्योत मालवली. याप्रकरणी म्हापसा पोलिस ठाण्याचे उपनिरीक्षक अभिजीत मेघनाथ नाईक यांनी सरकारच्या वतीने फिर्याद दिली आहे.
दैनिक गोमंतकचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
