पेडे येथे दिनांक 1 सप्टेंबर रोजी पूजा केदार रायकर यांचे घर फोडत अज्ञात चोरट्यांनी घरातील मौल्यवान ऐवज लांबवले होते. याबाबतची तक्रार पूजा रायकर यांचे वडिल पुरुषोत्तम पेडणेकर यांनी दिली होती. म्हापसा पोलिसांनी तक्रार दाखल होताच तपास सुरु करत आज दोघा संशयितांना ताब्यात घेतले आहे. (Mapusa police arrest Sahil Isk Razak and Aslam Mujawar in Peddem theft)
मिळालेल्या माहितीनुसार पेडे, बार्देश येथे पूजा केदार रायकर यांचे घर 1 सप्टेंबर रोजी रात्री दोन वाजता चोरट्यांनी फोडले. यावेळी चोरट्यांनी घरातील मौल्यवान वस्तू आणि रोख रक्कम लांबवली होती. याबाबतची तक्रार 2 सप्टेंबर रोजी पुरुषोत्तम पेडणेकर यांनी म्हापसा पोलिसात केली होती.
घटनास्थळावरुन माहिती घेत पोलिसांनी तपास सुरु केला. याला आता यश आले असून या चोरीत साहिल इस्क सायनावाले, वय 22 रा. बार्देश तसेच रझाक अस्लम मुजावर, वय 23 रा. बार्देश या दोघांना अटक केली आहे.
मिळालेल्या माहितीनुसार आरोपींवर महाराष्ट्र, गोवा येथील गुन्ह्यात अटक करण्यात आली आहे. पोलिसांनी संशयितांकडून चांदीचे दागिने, नेकलेस, मनगटी घड्याळ रोक रक्कम जप्त केली आहे. ही कारवाई पोलिस अधिक्षक शोबित सक्सेना यांच्या देखरेखीखाली व मार्गदर्शनाखाली पार पडली तसेच पोलिस निरीक्षक परेश नाईक यांच्या नेतृत्वाखाली पथकाने तपासावर लक्ष ठेवले आहे.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
