पंधरा वर्षीय अल्पवयीन मुलीला अयोग्यरित्या स्पर्श करून तिचा विनयभंग केल्याप्रकरणी म्हापसा पोलिसांनी 20 वर्षीय युवकाला अटक केली. माजीद खान (रा. बसतोडा, मूळ. राजस्थान) असे संशयिताचे नाव आहे.
पोलिसांच्या माहितीनुसार, हा विनयभंगचा प्रकार 2 सप्टेंबरला सिनेअलंकार जवळील रस्त्यावर घडली. याप्रकरणी पीडित मुलीच्या वडिलांनी पोलिस स्थानकात तक्रार दिली.
तक्रारीच्या आधारे एसडीपीओ जिवबा दळवी यांनी पीआय सीताकांत नायक यांच्या नेतृत्वाखाली पीएसआय यशवंत मांद्रेकर, एलपीएसआय रुपाली गोवेकर, हेड कॉन्स्टेबल सुशांत चोपडेकर, शिवाजी शेटकर, पोलीस कॉन्स्टेबल अक्षय पोळेकर, अक्षय पाटील, आनंद राठोड अंकेश दाभाळे यांच्या समावेश असलेली दोन पथके स्थापन केली.
पोलिसांनी वेगवेगळ्या ठिकाणांहून सीसीटीव्ही फुटेज गोळा केले. संशयिताची ओळख पटल्यावर पाळत ठेवत सापळा रचून बार्देश येथे अटक करण्यात आली.
पोलिसांनी संशयित विरोधात भारतीय दंड संहितेच्या कलम 354 व गोवा बाल कायदा कलम 8 आणि पॉस्को अंतर्गत गुन्हा दाखल करून अटक केली. संशयित हा चिकन दुकानात कामाला आहे.
पुढील तपास उत्तर गोव्याचे एसपी निधिन वाल्सन, एसडीपीओ म्हापसा जिवबा दळवी आणि पीआय सीताकांत नायक यांच्या देखरेखीखाली सुरू आहे.
दैनिक गोमंतकचे सदस्य व्हा
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.