Mapusa Municipality: म्हापसा नगराध्यक्षपदी बिनविरोध निवड निश्चित कारण...

सत्ताधारी गटाकडून एकमेव अर्ज आल्याने प्रिया मिशाळ यांची म्हापसा नगराध्यक्षपदी बिनविरोध निवड निश्चित मानली जात आहे.
Mapusa Municipality
Mapusa MunicipalityDainik Gomantak

Mapusa Municipality: म्हापसा येथील नगराध्यक्षपदासाठी उमेदवारी भरण्याच्या शेवटच्या दिवशी काल नगरसेविका प्रिया मिशाळ यांचा एकमेव अर्ज आला असून मंगळवारी या पदासाठी निवडणूक होणार आहे. दरम्यान, सत्ताधारी गटाकडून एकमेव अर्ज आल्याने प्रिया मिशाळ यांची म्हापसा नगराध्यक्षपदी बिनविरोध निवड निश्चित मानली जात आहे.

सोमवारी दुपारी 12 वाजेपर्यंत म्हापसा नगराध्यक्षपदासाठी उमेदवारी अर्ज भरण्याची वेळ होती. त्यानुसार, सत्ताधारी गटातर्फे प्रिया मिशाळ यांनी मुख्याधिकारी अमितेश शिरवईकर यांच्याकडे आपला उमेदवारी अर्ज सादर केला.

नगरसेवक प्रकाश भिवशेट यांची या उमेदवारी अर्जावर प्रस्ताव तर नगरसेविका डॉ. नूतन बिचोलकर यांची अनुमोदक म्हणून स्वाक्षरी आहे.

अर्ज भरतेवेळी नगरसेविका प्रिया मिशाळ यांच्यासोबत प्रभारी नगराध्यक्ष चंद्रशेखर बेनकर यांच्यासह सत्ताधारी गटातील अधिकतर नगरसेवक हे पालिकेत हजर होते. मात्र, सत्ताधारी गटातील शुभांगी वायंगणकर या गैरहजर होत्या.

शुभांगी वायंगणकर यांनी 11 जानेवारीला नगराध्यक्षपदाचा राजीनामा दिल्यानंतर महिलांसाठी आरक्षित असलेले हे नगराध्यक्षपद सध्या रिक्त आहे.

Mapusa Municipality
Goa Environment: कदंब पठारावर डोंगर कापणीप्रकरणी नोटीस बजावणार -विश्‍वजित राणे

सत्ताधारी गटाकडे 14 नगरसेवक

सध्या प्रभारी नगराध्यक्ष म्हणून उपनगराध्यक्ष चंद्रशेखर बेनकर हे पदभार सांभाळत आहेत. सत्ताधारी गटाकडे वीस नगरसेवकांपैकी 14 नगरसेवकांचे संख्याबळ आहे. तर विरोधी गटाकडे संख्याबळ नसल्याने संबंधितांकडून अर्ज दाखल करण्यात आला नाही.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

Related Stories

No stories found.
Goa News on Dainik Gomantak
dainikgomantak.esakal.com