म्हापसा: पेडण्यात अमली पदार्थ बाळगल्याप्रकरणी एका रशियन नागरिकाला अटक करण्यात आली. त्यानंतर दुसऱ्याच दिवशी म्हापशात अमली पदार्थ विक्री प्रकरणी युगांडाच्या दोघांना अटक करण्यात आली आहे. म्हापसा पोलिसांनी नवे केटीसी बसस्थानक येथे ही कारवाई केली.
पोलिसांनी दिलेल्या माहितीनुसार, युगांडाचे दोन नागरिक नव्या केटीसी बसस्थानकाजवळ कोकेन या अमली पदार्थाची विक्री करण्यासाठी आले होते. म्हापसा पोलिसांना याबाबत माहिती मिळताच त्यांनी बस स्थानकावरुन दोघांना ताब्यात घेतले.
चौकशीअंती त्यांच्याकडे २० लाख ५० हजार किमतीचा २०५ ग्रॅम वजनाचा कोकेन हा अमली पदार्थ आढळून आला आहे. पोलिसांनी संशयित दोघांना अटक केली असून, अधिक तपास सुरु आहे.
पेडण्यात अमली पदार्थ विरोधी पथकाने केलेल्या कारवाईत दीड लाखांच्या गांजासह रशियन नागरिकाला शुक्रवारी (दि.१६) अटक करण्यात आली. कॉनस्टेनटाईन मार्झली या रशियन नागरिकाला १.६६ लाखांच्या गांजासह अटक करण्यात आली.
मांद्रेतील माराठावाडा येथील सातेरी मंदिराजवळ हा रशियन नागरिक तस्करीसाठी आला असता अमली विरोधी पथकाने कारवाई केली.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.