Mapusa Fire Brigade: 45 फूट खोल विहीरीत पडलेल्या ऑस्ट्रेलियन पर्यटकाला जीवदान; म्हापसा अग्निशमन दलाची कामगिरी

म्हापसा अग्निशमन दलाचे जवान प्रवीण गावकर यांनी शर्तीचे प्रयत्न करून पर्यटकाला विहीरीबाहेर काढले
Mapusa Fire Brigade
Mapusa Fire Brigade

वागातोरमध्ये रस्त्यावरून चालत जाताना एक ऑस्ट्रेलियन पर्यटक चुकून तिथल्या विहिरीत पडल्याची धक्कादायक घटना समोर आली. म्हापसा अग्निशमन दलाचे जवान प्रवीण गावकर यांनी शर्तीचे प्रयत्न करून या पर्यटकाला विहीरीबाहेर काढून त्याचा जीव वाचवला.

डॅनियल ल्यूक (29) असे पर्यटकाचे नाव आहे. सदर घटना आज (5 डिसेंबर) पहाटे ३.३०च्या सुमारास घडली. त्यामुळे गावकर यांच्यावर सर्व स्तरातून कौतुक होत आहे.

Mapusa Fire Brigade
Goa Live Update 05 December: घरफोडी प्रकरणी चोरट्यास दिल्लीत अटक

उपलब्ध माहितीनुसार, डॅनियल ल्यूक हा आपल्या इतर काही मित्रांसोबत हॉटेलच्या खोलीवर जात असताना अचानक तोल जाऊन तो रस्त्याच्या बाजूला असलेल्या विरीहित पडला. ही विहीर 45 फूट खोल असून ती पाण्याने भरली होती. जवानांनी त्याला लाईव्ह जॅकेट तसेच दोरीच्या सहायाने बाहेर काढले. यात त्याला कुठलीही दुखापत झाली नाही.

म्हापसा अग्निशमन दलाला मिळाल्यानंतर दलाचे उपअधिकारी ज्ञानेश्वर सावंत यांच्या मार्गदर्शनाखाली प्रवीण नाईक गावकर, वासुदेव ताटे, लविंदर साळगावकर, आकाश कळंगुटकर आणि नितीन चोडणकर या जवानांचे पथक घटनास्थळी रवाना झाले. त्यांनतर प्रवीण नाईक गावकर यांनी पथकातील अन्य जवानांच्या सहाय्याने त्या नागरिकाला सुखरूप बाहेर काढले.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

Related Stories

No stories found.
Goa News on Dainik Gomantak
dainikgomantak.esakal.com