पक्ष मजबूतीसाठी गोव्यातील व्यावसायिक भाजपमध्ये प्रवेश करणार: सदानंद तानावडे

पणजी: पक्षाला आणखी मजबूत करण्यासाठी गोव्यातील अनेक डॉक्टर, अभियंते आणि सेवानिवृत्त व्यावसायिक भाजपमध्ये प्रवेश करणार आहेत, असे प्रतिपादन भारतीय जनता पक्षाचे प्रदेशाध्यक्ष सदानंद तानावडे यांनी गुरुवारी केले. (Many renowned professionals from goa to join BJP soon says Sadanand Tanavade)

दक्षिण गोव्यातील (South Goa) सुप्रसिद्ध हृदयरोगतज्ज्ञ डॉ. मिलिंद देसाई यांनी भाजपमध्ये प्रवेश केला आहे. यावेळी भाजपचे आमदार गणेश गावकर आणि प्रदेशाध्यक्ष सदानंद तानावडे उपस्थित होते.

दरम्यान, तानावडे म्हणाले की, विविध मान्यवर भाजपमध्ये येण्यास इच्छुक आहेत. डॉ देसाई यांचा लवकरच भाजपच्या डॉक्टर्स सेलमध्ये समावेश करण्यात येणार असल्याचेही त्यांनी स्पष्ट केले. "आता भाजपमध्ये सामील होणारे लोक विधानसभा निवडणुकीसाठी पक्षाची उमेदवारी मिळवण्याच्या उद्देशाने सामील होत नाहीत, कारण पुढील विधानसभा निवडणुका चार वर्षे आणि दोन महिन्यांवर आहेत," असे तानावडे म्हणाले.

“रुग्णालयाचा मालक या नात्याने मला लोकांची तसेच राजकारण्यांची मदत हवी आहे. मी वैद्यकीय शिबिरे आयोजित करून समाजासाठी योगदान देईन," असे डॉ. मिलिंद देसाई म्हणाले.