दक्षिणेतील प्रसिद्ध अभिनेते नागार्जुन (Actor Nagarjuna) यांचे गोव्यातील मांद्रे येथे अवैध बांधकाम सुरू होते. मांद्रे पंचायतीने हे बांधकाम बंद पाडले असून, पंचायतीने नागार्जून यांना स्टॉप वर्क नोटीस बजावली आहे. मांद्रे पंचायतीचे सरपंच अमित सावंत यांनी ही कारवाई केली आहे.
(Mandrem Panchayat Issues Stop Work Notice to famous south actor Nagarjuna)
मिळालेल्या माहितीनुसार, प्रसिद्ध दाक्षिणात्य अभिनेते नागार्जुन यांच्या मालकीची मांद्रे पंचायतीत सर्व्हे क्रमांक 211/2 मध्ये जमीन आहे. या जागेत बेकायदा बांधकाम सुरू असल्याचे पंचायतीच्या लक्षात आले. दरम्यान, मांद्रे पंचायतीचे सरपंच अमित सांवत यांनी यांनी घटनास्थळाची पाहणी करून संबधित काम बंद पाडले. तसेच, अभिनेते नागार्जुन यांना पंचायतीने नोटीस देखील बजावली आहे.
पंचायतीने बजावलेल्या नोटीसमध्ये काय म्हटले आहे.
अश्वेवाडा, मांद्रे येथील सर्व्हे क्रमांक 211/2 B येथे अवैध बांधकाम आणि खोदकाम सुरू होते. गोवा पंचायत राज कायदा 1994 अंतर्गत पंचायत हद्दीत कोणतेही बांधकाम सुरू करण्यापूर्वी किंवा खोदकाम करताना पंचायतीची परवानगी घेणे आवश्यक आहे. दरम्यान, या बांधकामासाठी कोणतीही परवानगी घेतली नव्हती. त्यानुसार सुरू असलेले बांधकाम तात्काळ थांबवून पंचायतीने अभिनेते नागार्जुन यांना नोटीस बजावली आहे.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.
