Calangute News : भल्या पहाटे वृध्दाने केला आत्महत्येचा प्रयत्न, कळंगुट येथील घटना

Calangute Fire : कळंगुट येथे एका 77 वर्षीय वृध्दाने विहरीत उडी मारुन आत्महत्या करण्याचा प्रयत्न केल्याची घटना घडली आहे. या वृध्दाला वाचवण्यात पिळर्ण अग्निशमन दलाच्या जवानांना यश आले आहे. ही घटना बुधवारी पहाटे घडली.

पिळर्ण अग्निशमन दलाने दिलेल्या माहितीनुसार, कळंगुट येथे पोलीस स्टेशनजवळील विहरीत सगुण पालयेकर या 77 वर्षीय वृध्दाने उडी मारत आत्महत्या करण्याचा प्रयत्न केला. या घटनेची माहिती मिळताच पिळर्ण अग्निशमन दलाचे जवान घटनास्थळी दाखल झाले.

अग्निशमन दलाच्या जवानांनी राबवलेल्या मोहिमेत 77 वर्षीय वृध्दाला वाचवण्यात यश आले. सगुण पालयेकर यांनी आजारपणाला कंटाळुन आत्महत्येचा प्रयत्न केला.

पिळर्ण अग्निशमन दलाच्या श्रीकांत सावंत, नरेंद्र शेट्ये, विदेश म्हापसेकर, जितेंद्र बली, भावेश शिरोडकर व विराज कांदोळकर या जवानांनी ही मोहिम राबवत वृध्दाला वाचवले.